Раббибиз Якъубну къырыйында токътап, огъар булай дей: – Мен Раббимен, атанг Ибрагьимни, Исгьакъны Аллагьыман. Шу сен ятып турагъан топуракъны Мен сагъа ва сени наслуларынга бережекмен.
Эртенине Якъуб оьзю башлыкъ этип ятгъан ташны ала, ону сыйлы таш йимик эретургъузуп салып, уьстюне зайтун май тёге.
Адамлары да булан Якъуб Луза (гьалиги Бет-Эл) деген шагьаргъа етише.
Муна Сейир тавланы ягъында ерлешген эдомлуланы ата-бабасы болгъан Исавну ва ону наслуларыны гьакъындагъы хабар.
Исавну уланлары булардыр: Исавну Ададан болгъан уланы Элипас, Исавну Басематдан болгъан уланы Рагъуил.
Элипасны уланлары булардыр: Теман, Омар, Сепо, Гатам ва Кенас.
Элипасны экинчи къатыны Тимна огъар Амаликни таба. Булар Исавну Ададан болгъан наслулары.