Шо уьлке сени сыйындыражакъ, Мен буса сени булан болуп туражакъман ва сени шабагьатлажакъман. Сени атанг Ибрагьимге берген антымны кютежекмен: Мен шо бары да топуракъланы сагъа ва сени наслуларынга бережекмен.
Мен даим сени булан болуп туражакъман. Сен къайда барсанг да, Мен сени къоруп сакълап туражакъман. Сени бу уьлкеге къайтарып гелтирежекмен. Мен сени къоюп къоймажакъман, ваъда этген бары да затымны яшавгъа чыгъаражакъман.
Мисриге сени булан Мен Оьзюм гележекмен, шондан сени наслунгну Мен Оьзюм чыгъаражакъман. Юсуп оьз къоллары булан сени гёзлерингни ябажакъ, – дей Аллагь.
Юсуп агъаларына, инисине булай дей: «Узакъ къалмай мен оьлежекмен. Амма Аллагь гертилей де сизге кёмек этежек. Сизин Ибрагьимге, Исгьакъгъа, Якъубгъа бережекмен деп ант этген топурагъына алып гетежек».