Мен даим сени булан болуп туражакъман. Сен къайда барсанг да, Мен сени къоруп сакълап туражакъман. Сени бу уьлкеге къайтарып гелтирежекмен. Мен сени къоюп къоймажакъман, ваъда этген бары да затымны яшавгъа чыгъаражакъман.
Юсуп атасыны сюегине къапланып йылай, ону бетинден оьбюп тербей.
Ону сюегин Гьанангъа гелтирип, бир заман хетли Эпрондан гёмеген ер этмек учун Ибрагьим сатып алгъан Мамрени ювугъундагъы Магьпелни авлагъында гёмелер.
Юсуп агъаларына, инисине булай дей: «Узакъ къалмай мен оьлежекмен. Амма Аллагь гертилей де сизге кёмек этежек. Сизин Ибрагьимге, Исгьакъгъа, Якъубгъа бережекмен деп ант этген топурагъына алып гетежек».
Сонг Юсуп Исрайылны уланларын, Аллагь оьзлени шо топуракъгъа алып гетгенде, олар оьзюню сюегин Мисриден алып гетежекге ант этдире.