Книга Бытие Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Бары мал-матагьын да жыйып, Исрайыл ёлгъа тюше. Бер-Шебагъа етишгенде, о атасы Исгьакъны Аллагьына къурбанлыкъ эте.

Гече бир гьайран гёрюнюшде Аллагь ону: – Якъуб, Якъуб! – деп чакъыра. – Вай, – дей Исрайыл.

– Мен Аллагьман, сени атангны Аллагьыман. Къоркъмай, Мисриге бар, онда Мен сенден таба бек уллу халкъны амалгъа гелтирежекмен.

Мисриге сени булан Мен Оьзюм гележекмен, шондан сени наслунгну Мен Оьзюм чыгъаражакъман. Юсуп оьз къоллары булан сени гёзлерингни ябажакъ, – дей Аллагь.

Якъуб да Бер-Шебаны къоюп гете. Исрайылны уланлары Якъубну, яшланы ва къатынгишилени пача оьзлеге берген ат арбалар булан алып юрюйлер.

Олар гьайван-малын ва Гьананда жыйгъан бары мал-матагьын да алып баралар. Шолай Якъуб бютюн наслусу булан Мисриге гете.

О Мисриге оьзюню бютюн наслусун: уланларын, къызларын, оланы уланларын-къызларын – барын да гелтире.

Исрайылны Мисриге гёчген наслуларыны атлары булардыр. Якъуб ва ону уланлары. Якъубну биринчи уланы – Рубим.

Рубимни уланлары булардыр: Гьаногь, Паллу, Гьесрон ва Карми.

Симонну уланлары булардыр: Эмуел, Ямин, Агьад, Ягьин, Согьар ва гьананлы къатынындан тувгъан уланы Саул.

Левийни уланлары булардыр: Гершон, Кегьат ва Мерари.

Ягьуданы уланлары булардыр: Эр, Онан, Шела, Парес ва Зарагь. Эр ва Онан Гьананда турагъанда гечинелер. Паресден буса Гьесрон ва Гьамул деген уланлар тува.

Иссагьарны уланлары булардыр: Тола, Пувва, Йов, Шимрон.

Завулунну уланлары булардыр: Серед, Элон, Ягьлел.

Булар Якъубну Месопотамияда Лиядан тувгъан уланлары. Дагъы да Лиядан Дина деген къызы тувгъан. Уланлары-къызлары булан барысыны да санаву отуз уьч адам болгъан.

Гадны уланлары булардыр: Сипион, Гьагги, Шуни, Эсбон, Эри, Ароди, Арели.

Асирни уланлары булардыр: Имна, Ишва, Ишви ва Бериа. Оланы Серагь деген къызардашы да болгъан. Берианы Гьевер ва Малкиел деген уланлары болгъан.

Булар Якъубну Зилпадан тувгъан наслуларыдыр. Барысыны да санаву он алты адам болгъан. Зилпа – Лабан къызы Лиягъа берген къуллукъчусу.

Параллельные места

Бытие 29:24

Бытие 30:10

Бытие 30:11

Бытие 30:12

Бытие 30:13

(Лабан Лиягъа къуллукъчу этип оьзюню къаравашы Зилпаны бере.) Зилпа Якъубгъа улан таба. – Ишим тюзелди! – дей Лия. Улангъа Гат деп къоя. Зилпа Якъубгъа экинчи уланын таба. – Не насиплимен дагъы мен! Гьали энни къатынлар магъа насипли деп туражакълар, – дей Лия. Улангъа Ашир деп къоя.

Якъубну Рагьилден болгъан уланлары булардыр: Юсуп ва Бениямин.

Мисриде Гелиопол шагьарны дин къуллукъчусу Потипарны къызы Аснат Юсупгъа Манассия ва Ефрем деген уланланы таба.

Бенияминни уланлары булардыр: Бела, Бегьер, Ашбел, Гера, Нааман, Эгьи, Рош, Муппим, Гьуппим ва Ард.

Булар Якъубну Рагьилден тувгъан наслуларыдыр. Барысыны да санаву он дёрт адам болгъан.

Данны Гьушим деген уланы болгъан.

Непталимни уланлары булардыр: Ягьсел, Гуни, Есер ва Шиллем.

Булар Якъубну Валладан тувгъан наслуларыдыр. Барысыны да санаву етти адам болгъан. Валла – Лабан къызы Рагьилге берген къуллукъчусу.

Якъуб булан Мисриге гелгенлени санаву (ону тувра наслуларын, гелинлерин санамагъанда) алтмыш алты адам болгъан.

Ондан алда Мисриде Юсупдан эки улан тува. Якъубну Мисриге гетген наслуларында етмиш адам болгъан.

Юсуп оьзлени Гошенде къаршыласын деп, Якъуб алды булан Ягьуданы ону ягъына йибере. Олар Гошенге етишгенде,

ат арбасын да егип, Юсуп атасы Исрайылны алдына багъып онда тербене. Атасыны алдына да гелип, ону къучакълап, о бир хыйлы йылап ала.

– Гьали энни сени сав гёрген сонг, мен оьлсем де къайырмайман, – дей Исрайыл.

Агъаларына, инисине ва атасыны ожагъына Юсуп булай дей: – Мен барып пачагъа ягъыма Гьанандан агъаларым, иним, савлай атамны ожагъы гелген деп айтажакъман.

Мен олар къойчулар, къойлар багъа деп, оьзлер булан гьайван-малын, мал-матагьын да гелтирген деп де айтажакъман.

Сиз буса, сизге пача не иш юрютегенигизни сорагъанда:

«Биз, сени къулларынг, яш чагъыбыздан берли ата-бабаларыбыз йимик къойчуларбыз», – деп жавап беригиз. Шолай этсегиз, сизин Гошен топуракъда къоюп къояжакълар, неге тюгюл къойлар багъагъан бары да адамланы мисрилилер мурдар эте деп гьисаплайлар.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода