Сонг къуллукъчуларына агъаларыны къапларын ашлыкъдан толтурма ва оланы гьарисини къабына оьзюню гюмюшюн къайтарып салма, огъар къошуп ёлда ашама аш да салма буйрукъ бере.
Олар къаплардагъы затларын чыгъарма башлайлар. Гьарисини къабындан гюмюшю булангъы тююню чыгъып геле. Шону гёргенде, атаны ва агъа-инилени уллу къоркъув къуршап ала.
Къайтагъан ёлубузда буса, гече ял алма ятгъанда, къапларыбызны ачгъан эдик. Гьарибизни къабыбызны башында ашлыкъ учун берилген гюмюшлерибиз салынып табулду. Шо гюмюшню биз къайтарып да гелтиргенбиз.
Дагъы да ашлыкъ алмакъ учун да гюмюш гелтиргенбиз. Шо гезик къапларыбызгъа гюмюшню ким салгъанны буса биз билмейбиз.