Халкълар сагъа къуллукъ этсин, къавумлар алдынгда баш ийсин. Агъа-инилерингни арасында оланы бийи болажакъсан, анангны уланлары сени алдынгда баш иежеклер. Сени налатлайгъангъа оьзюне налат болсун, сени шабагьатлайгъангъа оьзюне шабагьат болсун!
Ибрагьимден таба чы бек уллу ва гючлю халкъ амалгъа гележек. Ондан таба ер юзюндеги бары халкълагъа шабагьат этилежек.
Мени буйругъумну кютгенинг саялы, сени наслуларынгдан таба дюньяны бары да халкъларына шабагьат этилежек.
Мен сагъа кёкдеги юлдузланы санаву чакъы кёп наслулар бережекмен. Олагъа бары да шу топуракъланы бережекмен. Сени наслуларынгдан таба дюньяны бары да халкъларына шабагьат этилежек.
Сени наслуларынг къайыр бюртюклер чакъы кёп болажакъ. Олар гюнбатышгъа ва гюнтувушгъа, темиркъазыкъгъа ва къыблагъа багъып яйылажакълар. Сенден ва сени наслуларынгдан таба дюньяны бары да халкъларына шабагьат этилежек.
Гьар даим де бар болуп турсун дагъы шо пачаны аты. Гюнеш бар чакъы айтылып да турсун дагъы ону аты. Шабагьат болуп къалсын дагъы ондан таба бары да халкълар, шо заман олар насиплидир деп айтар огъар.
Олай бир заман гележек – о пайхаммаргъа тынгламайгъан гьар адам халкъны арасындан ёкъ болажакъ».
Аллагь ят халкъланы оьзлени иманына гёре къабул этежеги Сыйлы Язывларда алданокъ билдирилген. Шогъар гёре Аллагь Ибрагьимге: «Бары да халкълагъа Аллагь сенден таба берекет берер», – деп ваъда этген.