Ибрайимге токъсан тогъуз йыл болагъанда, огъар Раббибиз гёрюнюп, булай дей: – Мен бары да затны Еси болгъан Аллагьман. Мени гёз алдымда яшап тур ва муъмин болуп тур.
Сен гёрюп турагъан бу бары топуракъны Мен даимликге сагъа ва сени наслуларынга бережекмен.
Буссагьат сен заманлыкъгъа орунлашып яшап турагъан топуракъны Мен сагъа ва сени наслуларынга бережекмен. Бютюн Гьанан топуракъны Мен сени наслуларынга даимликге есликге бережекмен ва оланы Аллагьы болажакъман.
Даим эсинде сакълап турар Ол Оьзюню разилешивюн де, минглер булангъы наслулагъа буваргъан ва Ибрагьимге васият этген сёзюн де, Исакъгъа этген антын да.