Ибрайимни чатырдан къыргъа чыгъарып, Раббибиз огъар: – Кёкге къара, юлдузланы бир санап къара: шоланы санап боламысан? Сени наслуларынг да шончакъы болажакъ! – дей.
– Къара чы! Муна, Мен сени булан бегетеген разилешив: сен кёп халкъланы ата-бабасы болуп токътажакъсан.
Сени атынг да Ибрайим тюгюл, Ибрагьим болажакъ, неге тюгюл Мен сени кёп халкъланы ата-бабасы этежекмен.
Ибрагьимден таба чы бек уллу ва гючлю халкъ амалгъа гележек. Ондан таба ер юзюндеги бары халкълагъа шабагьат этилежек.
Мен сени шабагьатлама да бир шабагьатлажакъман дагъы! Мен сагъа кёкдеги юлдузланы санаву чакъы, денгиз ягъадагъы къайыр бюртюклер чакъы кёп наслулар бережекмен. Сени наслуларынгны алдында душманларынгны къапулары дагъылып къалажакъ!
Сени наслуларынг къайыр бюртюклер чакъы кёп болажакъ. Олар гюнбатышгъа ва гюнтувушгъа, темиркъазыкъгъа ва къыблагъа багъып яйылажакълар. Сенден ва сени наслуларынгдан таба дюньяны бары да халкъларына шабагьат этилежек.
Сен чи магъа яхшылыкъ этежегинге ваъда этген эдинг. Сен магъа наслуларым денгиздеги къайыр бюртюклени санавудай кёп болажакъ деп ваъда этген эдинг!
Аллагь огъар дагъы да булай дей: – Мен бары да затны Еси болгъан Аллагьман. Яшлар тапдырыгъыз ва артып йиберигиз! Сенден халкъ амалгъа гележек, кёп халкълар топланажакъ! Сени наслуларынгдан чыкъгъанлар пачалар болажакълар!
– Мен Аллагьман, сени атангны Аллагьыман. Къоркъмай, Мисриге бар, онда Мен сенден таба бек уллу халкъны амалгъа гелтирежекмен.