Ас доггах кхойкху Везачу Эле, Шен безачу лам тІера Цо жоп ло суна.
Кхечу къаьмнийн куьйгалхой гулбелла ИбрахІиман Делан халкъаца цхьаьна. ХІунда аьлча латта лардийраш Делан долахь бу, ткъа Дела царал а лакхаваьккхина ву.
Дечиг-пондарца Хьо хастош, Хьо тешаме хилар дуьйцур ду ас, сан Дела. Мерз-пондарца Хьох лаьцна назманаш йохур ю, Исраилан Везаниг!
Тхо лардечу паччахье хьажахьа, Дела! Декъалвехьа Айхьа къобалвинарг.
Хьан кертахь даьккхина долу цхьа де вукху меттехь даьккхина эзар дийнал а тоьлу, Делан цІийнан кевнехь латтар гІоле ду Іесачеран четарш чохь Іачул.
Веза Дела вайна малх а, турс а ву. Цо вайна диканиг до, вайн сий а до. ЦІеначу новкъахула лелаш волчунна муьлхха а диканиг дарехь Ша саца ца во Цо.