Амма уьш орамашца дІабаьхначул тІаьхьа, Аса царах кхин а къинхетам бийр бу. ХІора къам Аса шен-шен махка а, лаьтта а тІе схьадалор ду.
«Охьадоьжна четар санна йолу Даудан пачхьалкх юхаметтахІоттор ю Ас оцу дийнахь. Цуьнан йохийна а, лилхина а меттигаш, дІа а къевлина, ширачу заманахь ма-хиллара, дІахІоттор ду иза.
Иза Эдомах диснарг а, Сан долахь хилла массо къаьмнаш а церан карадахийтархьама дийр ду Ас», – боху хІара дерриге а деш волчу Везачу Эло.