Амма диде иман лъуразда гьоркьоса цониги лъимер гІадинав пулан мунагьалде цІалев чиясде балагь бачІина. Гьесие лъикІаб букІинаан, гьобоги горбода бухьун, гъваридаб ралъдалъ гъанкъизавуни.
Жиндирго муридазда ГІисаца абуна: – Инсан мунагьалъукье ккезавулеб жо дуниялалда лъугьинчІого букІунаро, амма кІудияб балагьги гІазабги – гьеб босун вачІарав чиясе.
Дида божулезда гьоркьоса цониги лъимер гІадинав пулан мунагьалде цІазегІан, гьесие лъикІаб букІинаан, гьобоги горбода бухьун, ралъдалъе рехани.
Дурго вацазе заралаб мунагь гьабун, щакдарулеб гьезул ракІги лъукъун, МасихІиде дандечІун мунагь гьабулеб буго дуца.