Книга От Иоанна Cтих 32 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

1 2 3 4 5 6 7 8 9 10 11 12 13 14 15 16 17 18 19 20 21

– Сезгә хак сүз әйтәм: кем сарык утарына капкадан түгел, бәлки башка юл белән керә, ул – карак һәм юлбасар.

Ә капкадан керүче сарыкларга кѳтүче була:

аңа сакчы капка ача, сарыклар аның тавышын ишетәләр һәм ул сарыкларын исемнәре белән чакырып, аларны алып чыга.

Үзенең бар сарыкларын алып чыкканнан соң, ул алар алдыннан бара; ә сарыклар аның артыннан баралар, чѳнки аның тавышын таныйлар.

Алар чит кеше артыннан бармыйлар, ә аннан качып китәләр, чѳнки аның тавышын танымыйлар.

Гайсә аларга бу гыйбрәтле хикәяне сѳйләде, ләкин кешеләр Аның нәрсә хакында сѳйләгәнен аңламадылар.

Шулай итеп, Гайсә аларга янә:– Сезгә хак сүз әйтәм: Мин – сарыкларга капка.

Миннән алда килгәннәрнең барысы да карак һәм юлбасар иделәр, ләкин сарыклар аларны тыңламадылар.

Мин – капка. Минем аша керүче котылачак, кереп-чыгып йѳриячәк һәм кѳтүлек табачак.

Карак ул урлау, үтерү һәм һәлак итү ѳчен генә килә. Мин исә аларның тормышы булсын, тормышы мул булсын дип килдем.

Мин – яхшы Кѳтүче; яхшы кѳтүче сарыклары ѳчен гомерен дә кызганмый.

Ә ялланган кѳтүче – чын кѳтүче түгел ул. Сарыклар үзенеке булмаганга, ул алар турында кайгыртмый: бүренең килгәнен күреп, сарыкларны ташлап, качып китә, бүре, сарыкларга һѳҗүм итеп, аларны таратып бетерә.

Мин – яхшы Кѳтүче. Ата Мине, Мин Атаны таныган кебек, Мин үземнекеләрне таныйм, алар Мине таныйлар. Мин сарыкларым ѳчен тормышымны да кызганмыйм.

Минем бу утардан булмаган башка сарыкларым да бар. Мин аларны да алып килергә тиеш. Алар Минем тавышымны ишетәчәкләр. Бер кѳтү һәм бер кѳтүче булачак.

Ата Мине шуның ѳчен ярата: Мин Үз тормышымны аны яңадан кабул итү ѳчен бирәм.

Аны Миннән беркем дә алмый, Мин аны Үз ихтыярым белән бирәм: аны бирергә дә, кире алырга да хокукым бар. Болай эшләргә Миңа Атам боерык бирде.

Бу сүзләр нәтиҗәсендә яһүдләр арасында янә бәхәс чыкты.

Аларның күбесе:– Аңарда җен бар, Ул акылсыз. Сез ни ѳчен Аны тыңлыйсыз? – диделәр.

Башкалары исә:– Бу җенле кеше сүзләре түгел, җен сукырның күзләрен ача аламы соң? – диделәр.

Кыш җиткәч, Иерусалимда Яңару бәйрәме вакытында,

Гайсә Аллаһы Йортында Сѳләйман әйванында йѳргән чакта,

яһүдләр, Аның тирәсенә җыелып:– Син безне газаплы билгесезлектә озак тотарсыңмы? Син Мәсих булсаң, безгә ачык итеп әйт, – диделәр.

Гайсә аларга болай дип җавап бирде:– Мин сезгә әйттем, ә сез ышанмыйсыз. Атам исеменнән кылган гамәлләрем Минем хакта шаһитлек бирәләр.

Әмма сез ышанмыйсыз, чѳнки сез Минем сарыкларымнан түгел.

Минем сарыкларым тавышымны ишетәләр, Мин дә аларны таныйм, һәм алар Минем арттан баралар.

Мин аларга мәңгелек тормыш бирәм. Алар һичкайчан да һәлак булмаячаклар, һәм аларны беркем дә Минем кулдан тартып ала алмаячак.

Аларны Миңа биргән Атам һәммәсеннән дә бѳек. Атамның кулыннан аларны тартып алырга беркемнең дә кѳче җитмәячәк.

Мин һәм Ата – бер.

Шуннан соң яһүдләр, Аны үтерергә теләп, тагын кулларына ташлар алдылар.

Гайсә исә аларга:– Мин сезгә Атам исеменнән күп яхшы эшләр күрсәттем, шуларның кайсысы ѳчен Мине ташлар атып үтерергә телисез? – дип әйтте.

Параллельные места

От Марка 7:37

Аларның гаҗәпләнүләренең чиге булмады.– Бѳтен нәрсәне дә Ул яхшы итеп эшли: чукраклар ишетәләр һәм телсезләр сѳйләшәләр! – диделәр алар.

Яһүдләр Аңа:– Без Сине яхшы эшләрең ѳчен түгел, бәлки, Аллаһыны хѳрмәт итмичә, Аңа каршы кѳфер сүз сѳйләвең, Үзең кеше була торып, Үзеңне Аллаһы дип әйтүең ѳчен үтерергә телибез, – дип җавап бирделәр.

Гайсә аларга:– Аллаһының: «„Сез – илаһлар", – дидем Мин», – дип әйткән сүзләре сезнең кануныгызда язылган түгелме?

Аллаһы Үзенең сүзе бирелгән кешеләрне илаһлар дип атады, ә Изге язма юкка чыгарыла алмый.

Ничек соң сез Миңа, Ата изге эшкә аерып дѳньяга җибәргән Затка, Мин: «Мин – Аллаһы Улы», – дип әйткәндә: «Кѳфер сѳйлисең», – дисез?

Мин Атамның эшләрен башкармыйм икән, Миңа ышанмагыз.

Ә инде башкарам икән, Минем Үземә ышанмасагыз да, Атамның Миндә, Минем Аңарда икәнлекне белү һәм аңлау ѳчен, эшләремә ышаныгыз, – дип әйтте.

Шунда Аны тагын кулга алырга тырыштылар, әмма Ул алардан качып китте.

Шуннан соң Гайсә тагын Үрдүннең аръягына, элек Яхъя чумдырган урынга китте һәм шунда калды.

Күпләр Аның янына килделәр һәм бер-берсенә:– Яхъя һичбер могҗизалы галәмәт күрсәтмәде, әмма Яхъяның бу Кеше турында әйткәннәре һәммәсе дә дѳрес булды, – диделәр.

Һәм анда күпләр Аңа иман китерде.

← Предыдущая

От Иоанна

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода