Книга Деяния Cтих 1 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Илленче кѳн бәйрәме җиткәндә иман итүчеләр барысы бергә бер урында иделәр.

Параллельные места

Деяния 1:14

Алар һәрвакыт бердәм рәвештә дога кылуда булдылар. Кайбер хатыннар, Гайсәнең анасы Мәрьям һәм Аның энеләре дә алар белән иделәр.

Күктән кинәт кѳчле җил искән кебек тавыш ишетелде һәм шул тавыш алар булган йортны тутырды.

Иман итүчеләр арасында ялкын телләре кебек телләр күренде һәм ул телләр аларның һәрберсенә берәрләп кунды.

Барысы да Изге Рух белән сугарылдылар һәм Изге Рух биргән сүзләр белән башка телләрдә сѳйли башладылар.

Иерусалимда исә җир йѳзендәге һәр халыктан килгән диндар яһүдләр яши иде.

Бу тавышны ишетеп җыелган халык аптырады, чѳнки һәркем кайсы да булса иман итүченең үз телендә сѳйләвен ишетте.

Алар хәйран калдылар һәм, шаккатып: – Бу сѳйләүчеләр барысы да гәлиләялеләр түгелме соң? – диделәр. –

Ничек инде һәрберебез аларның һәркайсыбызның туган телендә сѳйләүләрен ишетә?

Без пәртиялеләр, мадайлылар, эламлылар, Месупотамиядә, Яһүдиядә, Кәппәдүкиядә, Понтта, Асия ѳлкәсендә,

Фругиядә, Памфулиядә, Мисырда һәм Ливиянең Күринигә якын ѳлешләрендә яшәүчеләр,

Римнан килгән яһүдләр һәм мәҗүсилектән яһүд диненә күчкән кешеләр, критлылар һәм гарәбстанлылар, – Аллаһының бѳек эшләре хакында аларның безнең телләрдә сѳйләүләрен ишетәбез!

Барысы да хәйран калдылар һәм, аптырашып, бер-берсенә: – Бу нәрсәне аңлата икән? – диештеләр.

Ә кайберләре: – Алар шәраб эчеп исергәннәр, – дип кѳлделәр.

Петер исә, унбер рәсүл белән бергә торып басты һәм кычкырып сѳйли башлады: – Яһүд ирләре һәм Иерусалимда яшәүче барлык кешеләр! Мин сезгә моның нәрсә икәнен аңлатырмын. Минем сүзләремне игътибар белән тыңлагыз, – диде ул халыкка. –

Алар, сез уйлаганча, исерек түгел, чѳнки хәзер сәгать иртәнге тугызынчы гына әле.

Бу турыда Йоил пәйгамбәр аркылы алдан әйтелгән:

«Аллаһы әйтә: „Ахыр кѳннәрдә Үз Рухымны коярмын Бар кешеләргә. Улларыгыз, кызларыгыз Мин әйткән сүзләрне Игълан итәрләр. Яшьләрегез илаһи күренешләр, Картларыгыз тѳшләр күрерләр.

Үз Рухымны коярмын Ир-ат колларыма да, хатын-кыз колларыма да. Һәм Мин әйткән сүзләрне Игълан итәрләр алар да.

Күрсәтермен югарыда – күктә могҗизалар, Ә түбәндә – җирдә галәмәтләр. Кан һәм ут, һәм куе тѳтен булыр:

Кояш сүнәр, ә ай исә канга әйләнер. Һәм дә килер Раббының кѳне – Бѳек һәм шѳһрәтле кѳн.

Һәм ялварып Раббыга мѳрәҗәгать иткән һәркем котылыр"».

Исраил ирләре! Бу сүзләрне тыңлагыз: белгәнегезчә, Аллаһы сезнең арагызда Гайсә аркылы кодрәтле эшләр, могҗизалар, галәмәтләр кылды һәм шул эшләре белән насаралы Гайсәнең сезнең ѳчен билгеләнгән Зат икәнен исбат итте.

Аллаһының алдан билгеләнгән максаты һәм алдан белеп торуы белән сезнең карамакка бирелгән шушы Кешене канунсызлар кулы белән хачка кадаклап үтердегез.

Әмма Аллаһы, үлем богауларын ѳзеп, Гайсәне үледән терелтте, чѳнки үлем Аны тотып кала алмады.

Давыт Аның хакында болай диде: «Мин Раббыны һәрвакыт үз алдымда күрдем. Ул минем уң ягымда, икеләнмим шуңа күрә.

Җанымны үлеләр дѳньясында калдырмассың Син, Үз Изгеңә черергә ирек бирмәссең Син. Шуңа күрә куанды минем күңелем, шатланды минем телем, Ѳмет баглап яшәр хәтта минем тәнем.

Тормыш юлын ачып бирдең Син миңа. Миңа шатлык иңдерерсең Үз каршыңда».

– Туганнар! Ыруыбыз башлыгы Давыт хакында кыюлык белән сезгә шуны әйтә алам: ул үлде һәм күмелде. Билгеле булганча, аның кабере бүгенге кѳнгә кадәр сакланган.

Аллаһы Давытка аның токымыннан булган берәүне аның тәхетенә утыртачагы турында ант иткән. Давыт бу ант турында белеп һәм пәйгамбәр буларак,

Мәсихнең үледән тереләчәге, Аның үлеләр дѳньясында калдырылмаячагы һәм тәненең черемәячәге хакында алдан белеп әйтте.

Аллаһы шушы Гайсәне үледән терелтте, һәм без һәммәбез – моның шаһитләре.

Шулай итеп, Аллаһы Аны Үзенең уң ягына күтәргәч, Ул, Атасыннан вәгъдә ителгән Изге Рухны кабул итеп, безнең ѳскә сез хәзер күреп һәм ишетеп торган бүләкне койды.

Давыт үзе күккә күтәрелмәде, әмма ул: «Раббы Аллаһы әйтте минем Раббыма: Мин дошманнарыңны аяк астыңа баскыч итеп салганчы, утыр Минем уң ягымда», – диде.

Шулай итеп, бѳтен Исраил халкы яхшы белсен: Аллаһы сез хачка кадаклаган бу Гайсәне Раббы һәм Мәсих итте, – диде Петер.

Тыңлаучылар ишеткән бу сүзләр йѳрәкләренә барып кадалды: – Туганнар, безгә нәрсә эшләргә соң инде? – диделәр алар Петергә һәм башка рәсүлләргә.

– Һәркайсыгыз, гѳнаһларыгыз кичерелсен ѳчен, тәүбә итеп, Гайсә Мәсих исемендә чумдырылу йоласын үтегез, һәм сез Аллаһының бүләген – Изге Рухны кабул итәрсез.

Аллаһының вәгъдәсе Аллаһыбыз Раббы Үзенә чакырган һәркемгә – сезгә, сезнең балаларыгызга һәм еракта яшәүче барлык кешеләргә дә, – дип җавап бирде Петер.

Ул тагын да күбрәк сүзләр белән аларны кисәтте: – Бу бозык буыннан котылыгыз, – дип ѳндәде Петер.

Аның сүзләрен кабул итүчеләр чумдырылдылар, һәм ул кѳнне иман итүчеләргә ѳч меңгә якын кеше кушылды.

Иман итүчеләр һәрвакыт рәсүлләрнең ѳйрәтүләрен кабул итеп, бер-берсе белән аралашып яшәделәр, бергә икмәк сындырдылар һәм бергәләп дога кылдылар.

Рәсүлләр аркылы күп могҗизалар һәм галәмәтләр күрсәтелде, һәм бу һәркемнең күңелендә курку хисе уятты.

Барлык иман итүчеләр бергә булдылар һәм һәрнәрсә уртак иде.

Хуҗалыкларын һәм милекләрен сатып, һәркемнең хаҗәтенә карап, үзара бүлештеләр.

Алар һәр кѳн даими рәвештә бердәм күңел белән Аллаһы Йортында булдылар, ѳйләрендә Аллаһыны мактап, шат һәм күндәм күңелдән икмәк сындырып, ризыкны бергәләп ашадылар. Бар халык аларны яратты, Раббы исә коткарылучыларның санын һәр кѳн саен арттырып торды.

← Предыдущая

Деяния

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода