Книга 1. Коринфянам Cтих 12 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

1. Коринфянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

1. Коринфянам

Следующая →

1 2 3 4 5 6 7 8 9 10 11 12 13 14 15 16

Имандашлар, ата-бабаларыгыз белән булган хәлләрне белми калуыгызны теләмим. Болыт астында торганда аларның барысын да Аллаһы саклады, алар һәммәсе дә Кызыл диңгез аша коры җир буйлап чыктылар.

Һәммәсенең болыт астында торулары һәм диңгез аша чыгулары алар ѳчен Муса ѳммәтенә чумдырылу булды.

Һәммәсе дә күктән җибәрелгән бер үк ризыкны ашады.

Һәммәсе дә үзләре белән йѳргән рухи кыя таштан күктән җибәрелгән бертѳрле эчемлекне эчте; бу кыя таш исә – Мәсих Үзе.

Хәер, аларның күпчелеге Аллаһыга яраклы булмады һәм чүлдә һәлакәткә дучар булды.

Алар яман теләкләргә бирелде. Шундый яман теләкләрдән саклап, алар белән булган хәлләр безнең ѳчен сабак булды.

Шулай ук, кайберләре кебек, потка табынучылар булмагыз. Изге язмада алар хакында: «Халык ашарга һәм эчәргә утырды, ә аннан соң торып бастылар һәм күңел ачтылар», – дип язылган.

Кайберәүләр фәхешлек иткән кебек, фәхешлек итмик – бер кѳн эчендә аларның егерме ѳч меңе һәлак булды.

Кайберәүләр Мәсихне сынап караган кебек, без Аны сынамыйк – алар елан чагуыннан үлделәр.

Аларның кайберләре сукранган кебек, сез сукранмагыз – аларны һәлак итүче фәрештә үтерде.

Бу хәлләр башкаларга сабак булсын ѳчен эшләнелде, ә безгә, заманнарның ахыры якынлашкан вакытта яшәүчеләргә, кисәтү ясап язылды.

Менә шуңа күрә кем дә кем нык торам дип уйлый икән, егылмас ѳчен сак булсын.

Параллельные места

К Римлянам 11:20

Дѳрес. Алар иман итмәгәнгә сындырылдылар, ә син иман итүең белән урыныңда торасың; борыныңны күтәрмә, киресенчә, сак бул!

Сез барлык кешеләргә хас булган сынауга гына дучар буласыз. Аллаһы Үз вәгъдәсенә турылыклы һәм Ул сез чыдый алмаслык сынауны рѳхсәт итмәячәк. Сыналган вакытыгызда түзеп тору ѳчен, сезгә котылу юлын да күрсәтәчәк.

Шуңа күрә, сѳеклеләрем, потларга табынудан качыгыз.

Мин сезгә акыллыларга сѳйләгән кебек сѳйлим. Сѳйләгәннәрем турында үзегез уйлап карагыз.

Без рәхмәт белдергән шѳкрана касәсе Мәсих канына катнашу түгелме? Без сындырып алган икмәк Мәсих тәненә катнашу түгелме?

Икмәк бер, һәм без, күп булсак та, бер тәнне тәшкил итәбез, чѳнки бер икмәкне уртаклашабыз.

Исраил халкына карагыз: алар корбан итен ашаучылар, корбан китерү урынындагы гыйбадәттә катнашучылар түгелме?

Инде сезгә нәрсә әйтим? Пот та, потка китерелгән корбан да нинди дә булса әһәмияткә ияме?

Һич юк. Әмма мәҗүсиләр корбанны Аллаһыга түгел, бәлки җеннәргә китерәләр. Ә мин җеннәр белән аралашуыгызны теләмим.

Раббы касәсеннән дә, җеннәр касәсеннән дә эчә алмассыз. Бер үк вакытта Раббының да, җеннәрнең дә аш табынында катнашучылар була алмассыз.

Әллә без Раббының ачуын чыгарырга телибезме? Әллә без Аңардан да кодрәтлерәкме?

Һәрнәрсә рѳхсәт ителә, әмма һәрнәрсә дә файдалы түгел. Һәрнәрсә рѳхсәт ителә, әмма һәрнәрсә дә гыйбрәтле түгел.

Һичкем үзенә файдалыны түгел, бәлки башкаларга файдалыны эзләсен.

Ит базарында сатыла торганнарның барысын да ашагыз һәм, вѳҗданыгыз тыныч булсын ѳчен, тѳпченеп тормагыз.

Чѳнки Изге язмада язылганча: «Җир һәм җирдәге һәрнәрсә – Раббыныкы».

Әгәр иман итмәүче берәү сезне ашка чакыра һәм сез барырга телисез икән, вѳҗданыгыз тыныч булсын ѳчен тәкъдим ителгән һәрнәрсәне тѳпченмичә ашагыз.

Ләкин берәү сезгә: «Бу – потка китерелгән корбан», – дисә, шул берәү һәм вѳҗдан хакына ашамагыз.

Вѳҗдан дигәннән, сезнекен түгел, бәлки шул кешенең вѳҗданын күз алдында тотам. «Ни ѳчен әле азатлыгым башка вѳҗдан белән чикләнергә тиеш?»

Әгәр мин ризыкны Аллаһыга рәхмәт әйтеп кабул итәм икән, бу ризык ѳчен нигә мине шелтәләргә?

Шулай итеп, ашыйсызмы, эчәсезме, яки башка берәр нәрсә эшлисезме – һәммәсен дә Аллаһы даны ѳчен эшләгез.

Яһүдләргә дә, грекларга да яисә Аллаһы бердәмлегенә дә абыну ташы булмагыз.

Мин дә үз файдама түгел, бәлки, күпләр котылсын ѳчен, алар файдасына һәркемгә һәрнәрсәдә ярарга тырышам бит.

← Предыдущая

1. Коринфянам

Следующая →

1 2 3 4 5 6 7 8 9 10 11 12 13 14 15 16

Выбор основного перевода