Ӕмӕ йыл адӕм баууӕндыдысты. Уыдон бамбӕрстой, Дунедарӕджы мӕт израилаг адӕмыл кӕй уыд ӕмӕ сын сӕ хъизӕмар кӕй федта, уый; ныллӕг Ын акуывтой ӕмӕ ӕрдӕлгом сты зӕххыл.
Уый фӕстӕ Моисей ӕмӕ Аарон бацыдысты фараонмӕ ӕмӕ йын загътой: «Афтӕ зӕгъы Дунедарӕг, израилӕгты Хуыцау: „Ауадз Мӕ адӕмы ӕдзӕрӕг ранмӕ, Мӕ номыл бӕрӕгбон скӕнынмӕ“».
Уӕд Моисей ӕмӕ Аарон загътой: «Дзуттӕгты Хуыцау нӕм раргом кодта Йӕхи; ауадз нӕ ӕртӕ бонцауы ӕдзӕрӕг ранмӕ Дунедарӕгӕн, нӕ Хуыцауӕн, нывондтӕ ӕрхӕссынмӕ; науӕд нӕ фӕцӕгъддзӕни рынӕй кӕнӕ кардӕй!»