Книга Исход Cтих 11 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Моисей хызта йӕ каисы мадиамаг дины лӕг Иофоры, фыстӕ. Иухатт дзуг аскъӕрдта ӕдзӕрӕг ранмӕ дард, ӕмӕ бахӕццӕ Хоривмӕ, Хуыцауы хохмӕ.

Уым ӕм какон сындзы судзгӕ къутӕры артӕй йӕхи равдыста Хуыцауы зӕд. Моисей федта: какон сындзы къутӕр судзы, фӕлӕ йын басудзыны амал нӕй.

Моисей хинымӕр загъта: «Цӕуон ӕмӕ бакӕсон, къутӕр куыннӕ басудзы, уыцы стыр диссагмӕ».

Моисей фенынмӕ ӕрбацӕуы, уый федта Дунедарӕг, ӕмӕ йӕм фӕдзырдта къутӕрӕй: «Моисей, Моисей!» Моисей дзуапп радта: «Хъусын дӕм».

Дунедарӕг загъта: «Ма ӕрбацу ардӕм; дӕ дзабыртӕ дӕ къӕхтӕй ралас, уымӕн ӕмӕ цы ран лӕууыс, уый сыгъдӕг зӕхх у».

Дунедарӕг ын ноджыдӕр загъта: «Ӕз дӕн дӕ фыды Хуыцау, Авраамы Хуыцау, Исаакы Хуыцау ӕмӕ Иаковы Хуыцау». Моисей йӕ цӕсгом бамбӕрзта, уымӕн ӕмӕ тарсти Хуыцаумӕ комкоммӕ бакӕсынӕй.

Хуыцау загъта: «Ӕз федтон Мӕ адӕмы хъизӕмар Мысыры, ӕмӕ сын фехъуыстон сӕ хъӕрзын – се 'фхӕрджытӕ сӕ тухӕнӕй марынц. Ӕз сын зонын сӕ удхар.

Ӕз ӕрхызтӕн мысырӕгты къухӕй сӕ байсынмӕ; Ӕз сӕ уыцы бӕстӕйӕ ракӕндзынӕн, ӕхсыр ӕмӕ мыд цӕугӕдонау кӕм кӕлынц, ханаанӕгты, хетты, аморрӕгты, ферезӕгты, хиввӕгты ӕмӕ иевусӕгты уыцы бӕркадджын ӕмӕ парахат зӕхмӕ.

Сыхъуыст Мӕм израилаг адӕмы дзыназын; мысырӕгтӕ сӕ куыд ӕфхӕрынц, уый дӕр федтон.

Уӕдӕ ацу: Ӕз дӕ ӕрвитын фараонмӕ; Мысырӕй ракӕн Мӕ адӕмы, Израилы байзӕддӕгты».

Моисей Хуыцауӕн загъта: «Чи дӕн ӕз, цӕмӕй фараонмӕ ацӕуон ӕмӕ израилаг адӕмы Мысырӕй ракӕнон?»

Параллельные места

Исход 6:12

Моисей загъта Хуыцауӕн: «Ӕз дзырдарӕхст кӕй нӕ дӕн, уый тыххӕй мӕм израилаг адӕм куы нӕ хъусынц, уӕд мӕм фараон куыд байхъусдзӕн?»

Хуыцау ын загъта: «Ӕз демӕ уыдзынӕн; Ӕз дӕ кӕй арвыстон, уый тыххӕй дын мӕнӕ ӕвдисӕйнаг: адӕмы Мысырӕй куы ракӕнай, уӕд ацы хохыл Хуыцауӕн ӕрхӕсдзынӕ нывонд».

Моисей загъта Хуыцауӕн: «Ӕз куы ацӕуон израилаг адӕммӕ ӕмӕ сын куы зӕгъон: „Уӕ фыдӕлты Хуыцау мӕ рарвыста сымахмӕ“, уӕд мӕ куы бафӕрсой: „Йӕ ном куыд у?“, уӕд сын цы дзуапп ратдзынӕн?»

Хуыцау загъта: «Чи ис, Ӕз Уый дӕн». Хуыцау ма Йӕ ныхасмӕ бафтыдта: «Израилаг адӕмӕн зӕгъ афтӕ: „Чи уыди, Чи ис ӕмӕ Чи уыдзӕн, Уый мӕ рарвыста сымахмӕ“».

Моисейӕн Хуыцау ноджыдӕр загъта: «Афтӕ зӕгъ израилаг адӕмӕн: „Дунедарӕг (Йахве), уӕ фыдӕлты Хуыцау, Авраамы Хуыцау, Исаакы Хуыцау ӕмӕ Иаковы Хуыцау, рарвыста мӕн сымахмӕ“. Мӕ уыцы номӕй Мӕ зондзысты мыггагмӕ, ӕмӕ сӕ зӕрдыл лӕудзынӕн фӕлтӕрӕйфӕлтӕрмӕ.

Ацу, ӕрӕмбырд кӕн Израилы адӕмы хистӕрты ӕмӕ сын зӕгъ: „Дунедарӕг, уӕ фыдӕлты Хуыцау, Авраамы, Исаакы ӕмӕ Иаковы Хуыцау, фӕзынди мӕнмӕ ӕмӕ загъта: ‘Мӕ мӕт сымахыл уыд, ӕмӕ федтон, Мысыры уын цы митӕ кӕнынц, уый,

Ӕмӕ загътон: Ӕз уӕ фервӕзын кӕндзынӕн мысыраг ӕфсондзӕй ӕмӕ уӕ ракӕндзынӕн, ӕхсыр ӕмӕ мыд цӕугӕдонау кӕм кӕлынц, ханаанӕгты, хетты, аморрӕгты, ферезӕгты, хиввӕгты ӕмӕ иевусӕгты уыцы зӕхмӕ’“.

Адӕмы хистӕртӕ дӕ коммӕ бакӕсдзысты, уыдонимӕ бацӕудзынӕ мысыраг паддзахмӕ ӕмӕ йын зӕгъдзыстут: „Фӕзынди нӕм Дунедарӕг, дзуттӕгты Хуыцау; уӕдӕ нӕ ауадз, ӕмӕ ӕртӕ бонцауы фӕцӕудзыстӕм ӕдзӕрӕг ранмӕ, ӕмӕ уым нывондтӕ ӕрхӕсдзыстӕм Дунедарӕгӕн, нӕ Хуыцауӕн“.

Фӕлӕ Ӕз зонын: мысыраг паддзах уын нӕ ратдзӕн ацӕуыны бар, стыр хъару йӕ куы нӕ ӕртасын кӕна, уӕд.

Ӕз радардзынӕн Мӕ къух, ӕмӕ ӕрцӕвдзынӕн Мысыр, кӕй дзы саразон, Мӕ уыцы диссӕгты фӕрцы; фараон уӕ уый фӕстӕ ауадздзӕн.

Ӕз сараздзынӕн афтӕ, ӕмӕ уыл мысырӕгтӕ ауддзысты: уырдыгӕй афтидармӕй нӕ рацӕудзыстут.

Алы дзуттаг сылгоймаг дӕр йӕ сыхаг ӕмӕ йӕ хӕдзары цӕрӕг сылгоймагӕй ракурдзӕн ӕвзист ӕмӕ сыгъзӕрин дзаумӕттӕ ӕмӕ дарӕс; ӕмӕ сымах афтӕмӕй бастигъдзыстут мысырӕгты».

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода