Книга Бытие Cтих 14 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Уыцы зӕххыл ногӕй скодта, Авраамы заман чи уыдис, уымӕй ноджы стонгдӕр рӕстӕг; ӕмӕ Исаак ацыди Герармӕ, филистимаг паддзах Авимелехмӕ.

Хуыцау фӕзынд Исаакмӕ ӕмӕ йын загъта: «Ма ацу Мысырмӕ; Ӕз дын цы зӕххӕй зӕгъон, уым ӕрцӕр.

Уыцы зӕххыл ӕрцӕр рӕстӕгмӕ. Ӕз уыдзынӕн демӕ, Мӕ арфӕ дыл бафтаудзынӕн. Ӕз сӕххӕст кӕндзынӕн, дӕ фыд Авраамӕн цӕй тыххӕй расомы кодтон, уый: ӕппӕт ацы зӕххытӕ ратдзынӕн дӕуӕн ӕмӕ дӕ байзӕддӕгтӕн.

Уӕларвон стъалытӕ куыд сты, афтӕ бирӕ дын скӕндзынӕн дӕ байзӕддӕгты, ӕмӕ ацы зӕххытӕ ӕгасӕй дӕр ратдзынӕн уыдонӕн. Дӕ байзӕддӕгты фӕрцы зӕххыл арфӕгонд уыдзысты ӕппӕт адӕмтӕ.

Уымӕн ӕмӕ Авраам Мӕнӕн коммӕгӕс уыди, ӕххӕст кодта Мӕ амындтытӕ, Мӕ фӕдзӕхстытӕ, Мӕ уагӕвӕрдтӕ ӕмӕ Ме 'гъдӕуттӕ».

Исаак ӕрцарди Герары.

Бынӕттон цӕрджытӕ Исаакы йӕ усӕй куы бафарстой, уӕд сын дзуапп радта: «Мӕ хо у»; уымӕн ӕмӕ тарсти «Мӕ ус у» зӕгъынӕй. Исаак хъуыды кодта: «Бынӕттон цӕрджытӕ мӕ, мыййаг, Ревеккӕйы тыххӕй куы амарой, уымӕн ӕмӕ рӕсугъд сылгоймаг у».

Исаак уым дзӕвгар куы фӕцард, уӕд филистимаг паддзах Авимелех ракасти рудзынгӕй ӕмӕ федта Исаакы йӕ ус Ревеккӕимӕ хъазгӕйӕ.

Уӕд Авимелех басидт Исаакмӕ ӕмӕ йын загъта: «Уый дӕ ус куы у, уӕд цӕмӕн загътай: „Мӕ хо у“?» Исаак ын дзуапп радта: «Мӕхицӕн тарстӕн Ревеккӕйы тыххӕй мӕ амарынӕй».

Авимелех загъта: «Уый нын цы бакуыстай? Мӕ адӕмӕй иуы бирӕ нал хъуыди дӕ усимӕ хуыссӕны ӕриумӕ, ӕмӕ нӕ уымӕй бафтыдтаис тӕригъӕды».

Авимелех ӕппӕт адӕмӕн бафӕдзӕхста: «Ацы лӕджы кӕнӕ йын йӕ усы чидӕриддӕр бахъыгдара, уый адзал ссардзӕн».

Исаак уыцы зӕххы байтыдта хъӕбӕрхор, ӕмӕ уыцы аз хор райста, цы байтыдта, уымӕй фондзыссӕдз хатты фылдӕр – ахӕм арфӕ йын ракодта Хуыцау.

Исаак сси хъӕздыг лӕг, ӕфтыд йӕ мулкыл, ӕмӕ тынг схъӕздыг.

Йӕ фысвос ӕмӕ стуртӕ, йӕ цагъартӕ уыйбӕрц уыдысты, ӕмӕ филистимӕгтыл хӕлӕг бахӕцыд.

Параллельные места

Бытие 24:35

Бытие 37:11

Хуыцау рӕдауӕй стыр арфӕ бафтыдта ме 'лдарыл, ӕмӕ ме 'лдар схъӕздыг. Хуыцау ын радта фысвос ӕмӕ стуртӕ, теуатӕ ӕмӕ хӕрджытӕ, ӕвзист ӕмӕ сыгъзӕрин, нӕлгоймаг ӕмӕ сылгоймаг цагъартӕ. Ӕфсымӕртӕ хӕлӕг кодтой Иосифмӕ, фӕлӕ йӕ фыд уыцы хабар йӕ зӕрдыл бадардта.

Исаакы фыд Авраам удӕгас куы уыди, уӕд йӕ цагъартӕ цы цъайтӕ скъахтой, уыдоны иууылдӕр филистимӕгтӕ байдзаг кодтой сыджытӕй.

Ӕмӕ Авимелех загъта Исаакӕн: «Ацу ардыгӕй, уымӕн ӕмӕ махӕй дзӕвгар стыхджындӕр дӕ».

Уӕд Исаак ацыд уырдыгӕй, йӕ цатыртӕ ӕрӕвӕрдта Герары дӕлвӕзы ӕмӕ ӕрцард уым.

Исаак ногӕй скъахта, йӕ фыд Авраамы заманы цы цъайтӕ скъахтӕуыд ӕмӕ Авраамы мӕлӕты фӕстӕ филистимӕгтӕ сыджытӕй кӕй байдзаг кодтой, уыдоны; ӕмӕ сын ногӕй радта, йӕ фыд сын кӕддӕр кӕй радта, уыцы нӕмттӕ.

Исаакы цагъартӕ къахтой дӕлвӕзы, ӕмӕ дзы ссардтой цъай суадоны донимӕ.

Фӕлӕ Герары фыййӕуттӕ сбыцӕу сты Исаакы фыййӕуттимӕ ӕмӕ дзырдтой: «Уый нӕ дон у». Исаак уыцы цъай схуыдта Есек, уымӕн ӕмӕ уыцы цъайы тыххӕй сбыцӕу сты йемӕ.

Скъахтой ӕндӕр цъай, ӕмӕ уый тыххӕй дӕр рауади быцӕу; уымӕ гӕсгӕ йӕ Исаак схуыдта Ситна.

Исаак ацыд уырдыгӕй, скъахта ӕндӕр цъай, ӕмӕ сӕм уый тыххӕй быцӕу нал рауад; ӕмӕ йӕ Исаак схуыдта Реховоф; Исаак загъта: «Хуыцау нын радта парахат бынат, ӕмӕ мах сбирӕ уыдзыстӕм ацы зӕххыл».

Уырдыгӕй Исаак ссыди Вирсавимӕ.

Уыцы ӕхсӕв ӕм фӕзынди Хуыцау ӕмӕ йын загъта: «Ӕз дӕ фыд Авраамы Хуыцау дӕн; ма тӕрс, уымӕн ӕмӕ Ӕз демӕ дӕн. Бафтаудзынӕн дыл Мӕ арфӕ, ӕмӕ дын Мӕ цагъар Авраамы сӕраппонд ратдзынӕн бирӕ байзӕддӕгтӕ».

Исаак уым сарӕзта нывондхӕссӕн ӕмӕ ссардта Хуыцауы ном; уыцы ран ӕрӕвӕрдта йӕ цатыр, йӕ цагъартӕ та дзы цъай скъахтой.

Уырдӕм ӕм Герарӕй ӕрцыд Авимелех йӕ уынаффӕгӕнӕг Ахузафимӕ ӕмӕ йе 'фсады хицау Фихолимӕ.

Исаак сын загъта: «Уе сӕфт мӕ куы уыдтат, куы мӕ фӕсырдтат, уӕд мӕм цӕмӕн ӕрцыдыстут?»

Уыдон дзуапп радтой: «Хуыцау демӕ кӕй ис, уый мах бӕлвырд федтам, ӕмӕ уымӕ гӕсгӕ загътам: „Нӕ дыууӕты ӕхсӕн хъуамӕ уа сомыйӕ фидаргонд цӕдис.

Мах дӕ куыд нӕ бахъыгдардтам, хорзӕй дарддӕр дын куыд ницы сарӕзтам ӕмӕ дӕ фарнимӕ куыд ауагътам, ды дӕр нын афтӕ фыдбылыз кӕй нӕ сараздзынӕ, уый тыххӕй саразӕм фидыд; ныр ды Хуыцауӕй арфӕгонд дӕ“».

Исаак сын скодта куывд, ӕмӕ хордтой ӕмӕ нуӕзтой.

Дыккаг бон сыстадысты сӕумӕйӕ ӕмӕ кӕрӕдзийӕн расомы кодтой. Уый фӕстӕ сӕ Исаак афӕндараст кодта ӕмӕ дзы ацыдысты фарнимӕ.

Уыцы бон ӕрбацыдысты Исаакы цагъартӕ ӕмӕ йын радзырдтой, цы цъай скъахтой, уый тыххӕй: «Мах ссардтам дон».

Исаак уыцы цъай схуыдта Шива. Уымӕ гӕсгӕ ацы сахары ном абон дӕр ма у БеэрШева (Вирсави).

Исавыл дыууиссӕдз азы куы сӕххӕст, уӕд ракуырдта хеттаг Беэры чызг Иегудифӕйы ӕмӕ хеттаг Елоны чызг Васемафӕйы.

Исаакӕн ӕмӕ Ревеккӕйӕн уыдон уыдысты зӕрдӕниз.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода