Агъалары, иниси Юсупгъа ачувланалар, атасы буса о айтгъан затны эсинде сакълап къоя.
Мидьянлы савдюгерчилер ювукъ гелгенде, агъа-инилер Юсупну къуюдан чыгъаралар ва исмайыллылагъа йигирма гюмюш акъчагъа саталар, олар да ону Мисриге алып гетелер.
Юсупну Мисриге гелтирелер. Онда Мисрини пачасыны вазири, къаравулланы башчысы болгъан Потипар ону исмайыллылардан сатып ала.
Раббибиз Юсуп булан болуп, ону бары ишлерин тюзелте. Юсуп еси Потипарны уьюнде яшап тура.
Потипар Раббибиз Юсуп булан экенни англай, неге тюгюл Юсуп не этме урунса да, Раббибиз ону ишлерин тюзелтип тура.
Тек Раббибиз ону булан бола ва огъар рагьмусун гёрсетип тура. Туснакъны башчысы Юсупну ушата.
Туснакъны башчысына буса бир затны гьайын этмесе де ярайгъан бола, неге тюгюл Раббибиз Юсуп булан болуп, ону бары да ишлерин тюзелтип тура.
– Ювукъ гелигиз, – дей Юсуп. Агъа-инилери ювукъ гелелер. Юсуп булай дей: – Мен Юсупман. Сиз Мисриге сатгъан инигизмен.