Шо заман Раббибиз Ибрайимге гёрюнюп: – Мен шу топуракъны сени наслуларынга бережекмен, – дей. Шонда Ибрайим гёрюнген Раббибизге къурбанлыкъны салагъан ер къура.
Сен гёрюп турагъан бу бары топуракъны Мен даимликге сагъа ва сени наслуларынга бережекмен.
Буссагьат сен заманлыкъгъа орунлашып яшап турагъан топуракъны Мен сагъа ва сени наслуларынга бережекмен. Бютюн Гьанан топуракъны Мен сени наслуларынга даимликге есликге бережекмен ва оланы Аллагьы болажакъман.
«Мен сагъа наслу бережекмен ва артдыражакъман, сенден таба хыйлы халкъланы амалгъа гелтирежекмен. Бу топуракъны сени наслуларынга даимликге есликге бережекмен», – деп айтды.