Олар гелген уьлкени гьакими буса Юсуп болгъан, ашлыкъны да о сата болгъан. Агъалары ювукъ гелип, ону алдында тобукъдан туруп, баш уралар.
Ашлыкъны ерли халкъгъа сата туруп, Юсуп Мисри ва Гьанан топуракъларында бар бютюн гюмюшню пачаны хазнасына жыя.
Шолай Юсуп пачагъа Мисридеги бары да топуракъланы сатып ала. Бары да мисрилилер авлакъларын сатып бере, неге тюгюл ачлыкъ шолай гючлю болгъан чы. Пача бютюн топуракъгъа ес болуп токътай.
Энниден сонг тюшюмюгюзню беш пайындан бир пайын пачагъа бережексиз. Къалгъан дёрт пайын буса урлукъгъа да, оьзюгюзге де – уьюгюздегилеге, яшларыгъызгъа – ашама къояжакъсыз.