Книга Бытие Cтих 41 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Арадан эки йыл оьтюп, пача булай тюш гёре: о Нил оьзенни ягъасында токътагъан.

Нилден етти арив, семиз сыйыр чыгъып геле. Олар оьзенни ягъасындагъы къамушлукъда отлап тура.

Оланы арты булан Нилден дагъы да башгъа етти сыйыр чыгъып геле. Олар осал, арыкъ. Шо сыйырлар бирисилерини къырыйында токътай.

Бирден шо осал, арыкъ сыйырлар арив, семиз сыйырланы ашап къоялар! Пача уянып къала.

Янгыдан юхлагъанда, башгъа тюш гёре: бир саптакъда бёртюп толгъан етти будайбаш оьсе.

Олардан сонг топуракъдан, къургъакъ ел къурутгъан, осал етти будайбаш оьсе.

Шо осал будайбашлар бёртюп толгъан будайбашланы ашап къоялар. Пача уянып къала ва гёрген затлары тюш экенни англай.

Эртен бек гьалекленип, о Мисрини ичиндеги бары палчыланы ва ойчуланы чакъыра, олагъа гёрген тюшлерин хабарлай. Тек ону тюшлерин бирев де чечип болмай.

Шо заман чагъыр тёгеген баш къуллукъчу пачагъа булай дей: «Бир вакътиги гюнагьым эсиме тюшюп гетди!

Бир керен пача къулларына къазапланып, баш экмекчи де булан бирче мени къаравулланы башчысыны уьюндеги туснакъгъа салма буйрукъ берген эди.

Бир гече бизин гьарибизге оьз маънасы булангъы тюшлер гёрюндю.

Бизин булан буса бир къуллукъчу, исрайыллы, къаравулланы башчысыны къулу бар эди. Биз огъар тюшлерибизни хабарладыкъ ва о бизге тюшлерибизни чечип берди. Гьарибизге тюшлерибизни маъналарын англатып берди.

О бизге айтгъан кюйде болуп да чыкъды: мени алдагъы ериме къайтардылар, баш экмекчисин буса асып оьлтюрдюлер».

Пача Юсупну артындан йибере. Ону тезлик булан туснакъдан чыгъаралар, сакъалын-мыйыгъын, башын юлюп ва опуракъларын алышдырып, пачаны алдына гелтирелер.

Пача огъар: – Мен тюш гёрдюм, тек ону бирев де чечип болмай. Мен буса сен тюшню эшитгендокъ чечип бола деп англагъанман, – дей.

– Иш менде тюгюл, пачагъа яхшы болагъан кюйде Аллагь чечип бережек, – деп жавап бере Юсуп.

Пача Юсупгъа булай деп хабарлай: – Нилни ягъасында токътагъанман деп тюш гёремен.

Нилден етти арив, семиз сыйыр чыгъып гелди. Олар оьзенни ягъасындагъы къамушлукъда отлап тура эдилер.

Оланы арты булан Нилден дагъы да башгъа етти сыйыр чыгъып гелди. Арыкъ, къатанкъы, осал, гёнюнден де, сюегинден де къайры заты ёкъ сыйырлар эди. Савлай Мисриде де гёрмегенмендир мен шолай гёлемсиз сыйырланы.

Шо арыкъ, гёлемсиз сыйырлар етти де семиз сыйырны ашап къойдулар.

Гьатта гёлемсиз сыйырлар семизлерин ашагъанда да, бирев де олар шону этди деп айтып болмас эди. Мен уянып къалдым.

Сонг мен бир башгъа тюш гёрдюм: бир саптакъда бёртюп толгъан етти будайбаш болду.

Олардан сонг топуракъдан, къургъакъ ел къурутгъан, осал етти будайбаш оьсдю.

Шо осал будайбашлар бёртюп толгъан будайбашланы ашап къойдулар. Мен тюшлеримни палчылагъа хабарладым, амма олар магъа бир зат да англатмадылар.

Юсуп пачагъа булай дей: – О эки тюш тюгюл, бир тюш. Аллагь пачагъа Оьзю этежек затланы билдирип тура.

Етти яхшы сыйыр етти йылны англата, етти яхшы будайбаш да етти йылдыр. Шо шолай бир тюш.

Оланы артындан чыкъгъан арыкъ, гёлемсиз сыйырлар да, осал, къургъакъ ел къурутгъан етти будайбаш да етти йылдыр. Олар ачлыкъны етти йылын англата.

– Шо саялы мен пачагъа: «Аллагь пачагъа Оьзю этежек затланы билдирип тура», – деп айтгъан эдим.

Мисри топурагъына берекетли етти йыл геле тура.

Тек оланы арты булан ачлыкъны етти йылы гележек. Ачлыкъ шонча да гючлю болажакъ чы, халкъ алдагъы бары да берекетни унутуп да къалажакъ. Ачлыкъ уьлкени дагъытып къояжакъ.

Алдагъы берекетден бир зат да къалмажакъ. Шонча да гючлю ачлыкъ болажакъ.

Тюш пачагъа эки керен гёрюнгени Аллагь къатты кюйде токъташып битгенин, узакъ къалмай О бары да затны яшавгъа чыгъаражагъын англата.

– Гьали де пача англавлу ва гьакъыллы адамны айырып, Мисриге ёлбашчылыкъ этме салсын.

Пача бютюн уьлкеге тергевчюлени салсын. Олар гележек берекетли етти де йыл халкъны къайтаргъан тюшюмюнден беш пай этгенде бир пайын жыйсынлар.

Олагъа будай жыйып, шагьарларда ону артгъа салып сакълама гьакимлик бер.

Шо кюйде уьлкени Мисриде болажакъ ачлыкъны етти де йылына жыйылгъан ашлыгъы да болуп, уьлке ачлыкъдан оьлмежек!

Пача ва вазирлери Юсупну сёзлерин арив гёрелер.

– Дагъы булай адамны тапма къыйын. Муну ичинде Аллагьны ругьу бар! – дей пача ювукъларына.

Сонг о Юсупгъа булай дей: – Аллагь бу затланы барын да сагъа ачыкъ этгени сенден англавлу ва гьакъыллы адам ёкъ экенни исбатлай.

Бугюнден тутуп сен мени бары да уьюме гьакимлик этежексен, халкъым да сагъа тынглажакъ. Сенден янгыз бир пача атым булан артыкъ болажакъман.

– Муна, мен сени бютюн Мисриге гьакимлик этме сала тураман! – дей пача Юсупгъа.

Параллельные места

Бытие 42:6

Олар гелген уьлкени гьакими буса Юсуп болгъан, ашлыкъны да о сата болгъан. Агъалары ювукъ гелип, ону алдында тобукъдан туруп, баш уралар.

О мюгьюрю булангъы юзюгюн чечип, Юсупну бармагъына тагъа. О Юсупгъа инг юкъкъа кетенден этилген опуракълар гийдире ва бойнуна алтын шынжыр тагъа.

О Юсупгъа пачалыкъдагъы экинчи адамны ат арбасын бере. Юсуп шо ат арбагъа минип барагъанда, ону алды булан: «Юсупгъа баш ийигиз», – деп къычыра болгъанлар. Шолай пача Юсупну бютюн Мисрини гьакими эте.

– Муна, мен, пача, буюра тураман. Бугюнден сонг сенден ихтиярсыз бютюн Мисри топурагъында бирев де не къолун, не бутун шытырлатмажакъ! – дей о Юсупгъа.

Пача Юсупгъа Сапнат-Панеагь деп янгы ат къоя. Огъар Гелиопол шагьарны дин къуллукъчусу Потипарны къызы Аснатны къатын этип бере. Юсуп Мисриге гьакимлик этме башлай.

Мисрини пачасына къуллукъ этме башлагъанда, Юсупгъа отуз йыл бола болгъан. Пачаны ягъындан гетип, Юсуп бютюн Мисри элни айланмакъ учун ёлгъа чыгъа.

Берекетли етти йылны узагъында топуракъ мол тюшюм берип тура.

Шо йылларда Мисриде жыйылгъан бары да ашлыкъны Юсуп шагьарлагъа пайлап бере. О гьар шагьаргъа къырыйындагъы авлакълардан къайтарылгъан ашлыкъны пайлап бере.

О денгиздеги къайыр бюртюклени санавудай кёп ашлыкъ жыя, гьатта гьисабын юрютмейген де болуп къала, неге тюгюл оьлчеп билип де болмай.

Ач йыллар гелип битгенче, Гелиопол шагьарны дин къуллукъчусуну къызы Аснат Юсупгъа эки улан таба.

Биринчи уланына Юсуп Манассия деп къоя. Шо ат «Аллагь магъа бары къыйынлыкъларымны ва ата ожагъымны унутма къойду» деген затны англата болгъан.

Экинчи уланына буса Ефрем деп къоя. Шо ат «Аллагь мен азап чегеген топуракъда мени емиш береген этди» деген затны англата болгъан.

Мисрини берекетли етти йылы тамамлана.

Юсуп да айтгъан кюйде, ачлыкъны етти йылы етишип геле. Шо ачлыкъ бары да эллеге яйыла, амма Мисриде буса ашлыкъ бола.

Ачлыкъ гелип, мисрилилер пачадан аш тилеме башлагъанда, пача: «Юсупну ягъына барыгъыз, о не айтса, шону этип туругъуз», – дей.

Савлай дюнья ачлыкъгъа тарый. Гьамарланы ачып, Юсуп мисрилилеге ашлыкъны сатма башлай, неге тюгюл Мисриде ачлыкъ баргъан сайын гючлю бола.

Мисриге, Юсупну ягъына, сатып ашлыкъ алмакъ учун хоншу уьлкелерден де гелип туралар, неге тюгюл ачлыкъ бютюн дюньяны къуршап алгъан болгъан.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода