Амма ол Раббибизни Къанунундан къуванып турар, гече де, гюн де шо Къанунну гьайында болур!
Тюшюнюп турарман бары да ишлеринге Сени, ойлашып турарман кёп уллу ишлерингни гьакъында Сени.
Авзумдан чыгъагъан сёзлер де, юрегимни къастлары да Сени рази къалдырардай болуп къалсын дагъы, Раббим, мени ярым, мени азат этивчюм!
Эсге аламан бырынгъы заманланы, ойлашып къарайман бары да Сени ишлерингни гьакъында, ой этип къарайман Сени къолларынг этген ишлени гьакъында.
Мен буса Сени зорлугъунгну оьр макътавлары гьакъында да, Сени тамаша ишлерингни гьакъында да ойлашып турарман.