Ибрагьимни къулу булай дуа эте: – Раббим, бийим Ибрагьимни Аллагьы! Бугюн ишлерим тюзелсин дагъы, есим Ибрагьимге рагьму эт дагъы!
Муна, мен гьали шагьардагъы къызлар сув алма гелеген къуюну къырыйында токътагъанман.
Къызланы бирине: «Кажинингден сув ичме къой» – деп айтарман. Эгер де шо къыз: «Ич, мен тюелеринге де гелтирермен сув», – деп айтса, шо къызны къуллукъчунг Исгьакъгъа танглагъанынг ачыкъ болажакъ. Сен есиме рагьму этгенни белгиси шо болсун!
Ибрагьимни къулу: – Токътатмагъыз мени. Мени ишлеримни Раббибиз тюзлеген сонг, магъа бийимни янына къайтма изну беригиз! – дей.