Бохам болчуьра исраилхой дІагІахь а, уьш Мисар-махко схьагулбийр бу. Нуп-гІалин лаьттахь дІабухкур бу уьш. Ниттийн дола евр ю церан детин хІуманаш. Коканийн кІохцалш девр ду церан цІенош тІехь.
Эпрайман халкъ охьатоьхначу диттах тера ду: цуьнан орам бакъабелла, цо кхин стом лур бац. Ур-атталла цара бераш дахь а, церан кийрара схьадевлларш хІаллакдийр ду Аса, мел хьоме уьш царна делахь а».
Баккъалла а, кестта оцу халкъо эр ду: «Вайн паччахь вац, Везачу Элах вай ца кхийрина дела. Паччахьо а хІун дийр дара вайна?»
Изза дийр ду шуна, ва Беталан бахархой, барам боцуш аша летийначу къиношна.
Аса паччахь велира хьуна Со оьгІазвахханчохь, ткъа, Со дарвелча, схьа а ваьккхира иза.