Берриг а ницкъийн Везачу Элан де догІур ду курачунна а, дегалчунна а, айаделлачунна а – уьш берриш а охьатаІор бу.
И де догІур ду лекха а, айаделла а долчу Ливанунан баган-дитташна а, Башанан нежнашна а,
дерриге а лекхачу лаьмнашна а, айаделлачу гунашна а,
муьлххачу а лекхачу бІаьвнна а, муьлххачу ондачу пенна а,
Таршашан дерриге а хІордкеманашна а, уггар хазачу кеманашна а.
КІоргачу хине Ас боху: „Дакъало! Ас дІалакъор ду хьан татолаш“.
Со схьавеанчу хенахь, цхьа а хІунда вацара? Ас кхайкхича, дуьхьал жоп хІунда ца делира? Сан куьг дацделла ткъа шуна гІо дан, я Сан ницкъ дІабаьлла ткъа шу кІелхьардаха? Ас Сайн омрица хІорд бакъабо, хих яьсса аре йо, тІаккха царна чуьра чІерий, хи а ца тоьий, дахкало, хьогаллина ле.