Паччахьан зудчо Вашатис а хІоттийнера паччахьан цІа чохь болчу зударшна лерина долу той.
Паччахьан сацам нахана дІахаийтинчул тІаьхьа дукха зудабераш схьадалийра Шушан-гІалин гІопе. Уьш паччахьан зударий ларбеш волчу ХІигайн куьйга кІел дІаделира. Эсират а, паччахьан гІишлошна чу а ялийна, ХІигайн куьйга кІел дІаелира.
ТІаьххьара а Эсират паччахь волчу чуйоьду хан тІекхечира. Шен деваша волчу Абу-ХІаилан йоІ йолу Эсират Мардахайс, шен йоІ санна, тІелаьцна хилла. Паччахь волчу чуйоьдучу хенахь, паччахьан зударий ларбеш волчу ваьІначу ялхочо ХІигайс шена хьехам бинарг бен, хІумма а ца дийхира цо. Эсират дІагинчарна массарна а хазахеташ хилла.