qac Нqac*ийсса ду гуттаренна а Хьан дош, Веза Эла, стигалшкахь иза чІагІдина лаьтташ ду.
Озо боху: «ДІакхайкхаде!» Ас хоьтту: «ХІун кхайкхо деза ас?» «Кхайкхаде, хІора адам буц санна ду, цуьнан хазалла арарчу зезагийн санна ю.
Буц а якъало, зезаг а маргІалдулу, Везачу Эло царна тІе мох тоьхча. Баккъалла, буц санна, адамаш а ду.
Буц а якъало, зезаг а маргІалдулу, амма вайн Делан дош гуттар а лаьтташ ду».
Хаза кхаъ бахьаш йолу Цийон, лекхачу лам тІе хьалаяла! Хаза кхаъ бахьаш йолу Ярушалайм, хьайн аз айдеш, дІаала чІоггІа! ДІаала, ма кхера! ЯхІуд-мехкан гІаланашка дІаала: «Хьажал, шун Дела схьавогІуш ву!»
ткъа таро йолуш верг синан лахарчу хьолах воккхавеван веза, хІунда аьлча иза дІавер ву дуьнен чуьра, бецан зезаг санна.
Малх хьала а гІоттий, йовхо йогІу. Йовхоно буц якъайо, бецан зезаг дужу, хазалла а дІайолу. Иштта хьалдолу стаг а, шен гІуллакхаш а деш, дІаволу.