2 Ýyl ýazgylarynyň kitaby 32:8
Süleýmanyň pähimleri 29:25
Aşur patyşasy ynsan güýji bilendir, emma biziň bilen Hudaýymyz Rebdir. Ol bize ýardam edip, biziň üçin söweşer». Ýahuda patyşasy Hizkiýanyň sözleri halky ruhlandyrdy.
Ynsana bil baglandan, Rebbi pena edinmek ýagşy.
Şazadalara, ynsan ogluna hiç bil baglamaň, çünki olar halas etmeýär.
Adamdan gorkmak duzakdyr, Rebbe bil baglaýan bolsa aman galýandyr.
«Pitneçi halkyň dat gününe! Olar Meniňkini däl-de, öz niýetlerini berjaý edýärler; Menden soraşman ylalaşyk baglaşyp, günä üstüne günä goşýarlar. Muny Reb aýdýandyr.
Faraonyň penasynda penalamak üçin, Müsüriň kölegesinde gonalga gözlemek üçin, Menden geňeşsiz Müsüre gidýärler.
Faraonyň goragy olara utanç, ryswalyk bolar Müsüriň kölegesini penalamak.
Medet sorap, Müsüre gidýänleriň, atlara daýanýanlaryň, köpdükleri üçin söweş arabalaryna, güýçlüdikleri üçin atlylara bil baglaýanlaryň dat gününe! Olar Ysraýylyň Mukaddesine ýüz tutmaýarlar, Rebden maslahat soramaýarlar.