Книга От Матфея Cтих 31 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Гайсә Аллаһы Йортыннан чыгып киткәндә, Аның игътибарын Аллаһы Йортының биналарына юнәлтер ѳчен, янына шәкертләре килделәр.

Ә Гайсә:– Боларның һәммәсен да күрәсезме? – диде. – Шуны белегез: монда таш ѳстендә таш калмаячак, барысы да җимереләчәк!

Ул Үзе генә Зәйтүн тавында утырганда, янына шәкертләре килде.– Бу кайчан булыр икән, безгә әйтче. Без Синең килүеңне һәм бу дѳньяның бетәчәген нинди билге аша беләчәкбез? – дип сорадылар алар.

Гайсә җавап бирде:– Сак булыгыз, сезне алдамасыннар!

Чѳнки күпләр, Минем исемем белән килеп: «Мин – Мәсих», – дип әйтерләр һәм күпләрне алдарлар.

Сез якындагы сугышлар тавышын һәм ерактагы сугышлар хакында хәбәрләр ишетерсез – карагыз, курыкмагыз! Шулай булырга тиеш. Әмма бу әле ахыры түгел.

Халык халыкка һәм патшалык патшалыкка каршы чыгар, урыны-урыны белән ачлык һәм җир тетрәүләр булыр,

әмма боларның барысы – тулгак тоту газапларының башлануы гына әле.

Шушы вакытта сезне газаплауга бирерләр һәм үлемгә тартырлар, бѳтен халыклар да Минем ѳчен сезне нәфрәт итәр.

Шул вакытта күпләр иманнан ваз кичәр, бер-беренә хыянәт итәр һәм бер-берсен нәфрәт итәр.

Һәм күп ялган пәйгамбәрләр килеп, күпләрне алдар.

Явызлык кѳчәйгәнлектән, күпләрнең мәхәббәте суыныр.

Әмма ахырга тикле чыдаган кеше котылыр.

Барча халыклар да ишетсен ѳчен, Патшалык хакындагы бу Яхшы хәбәрне бѳтен җиһанда таратырлар. Менә шуннан соң ахыры килер.

Шуңа күрә, сез Данил пәйгамбәр язган «ташландык хәлдә калдыручы чирканыч нәрсәнең» изге урында торуын күргәч (бу сүзләрне укыган кеше аңласын),

Яһүдия җирендә булганнар тауларга качсыннар,

ѳй түбәсендә булганнар әйберләрен алырга дип, ѳйгә тѳшеп тормасын,

кырда булганнар исә ѳс киеме артыннан ѳенә кайтмасын.

Ул кѳннәрдә йѳкле хатыннарга һәм бала имезүчеләргә кайгы!

Качуыгыз кышка һәм шимбә кѳненә туры килмәсен иде дип, дога кылыгыз.

Чѳнки, ул вакытта, дѳнья яратылганнан бирле бүгенге кѳнгә кадәр булмаган һәм булмаячак зур афәт килер.

Әгәр ул кѳннәр кыскартылмаса, һичкем исән кала алмас иде. Әмма сайланганнар хакына ул кѳннәр кыскартылачак.

Әгәр сезгә шул вакытта: «Кара, Мәсих менә монда!» яки «Ул тегендә!» – дип әйтсәләр, ышанмагыз.

Чѳнки ялган мәсихләр һәм ялган пәйгамбәрләр килерләр, әгәр килеп чыкса, хәтта сайланганнарны да алдау ѳчен, искиткеч галәмәтләр һәм могҗизалар күрсәтерләр.

Менә Мин сезгә барысы хакында алдан әйттем.

Шулай итеп, әгәр: «Кара, Ул чүлдә», – дисәләр, анда бармагыз яки: «Менә Ул эчке бүлмәләрдә», – дисәләр, ышанмагыз.

Чѳнки Адәм Улының килүе күкне кѳнчыгыштан кѳнбатышка кадәр яшен ярып үткән кебек булыр.

Кайда мәет булса, үләксә кошлары шунда җыелыр.

Һәм шунда ук, ул кѳннәрдәге афәттән соң,«Кояш каралыр, ай яктыртмас,Күкләрдән йолдызлар коелыр һәмКүк кодрәтләре селкетелер».

Шуннан соң күктә Адәм Улының билгесе күренер һәм, Аның күк болытлары ѳстендә кодрәт һәм балкып торган бѳек дан белән килүен күреп, җирнең бѳтен халыклары кычкырып, бик нык кайгырырлар.

Адәм Улы Үзенең фәрештәләрен кѳчле быргы тавышы белән җибәрер. Һәм алар җирнең дүрт почмагыннан, дѳньяның бер читеннән алып икенче читенә кадәр, Аның сайланганнарын җыярлар.

Параллельные места

От Матфея 13:41

Адәм Улы Үзенең фәрештәләрен җибәрер, алар Аның Патшалыгыннан гѳнаһка тартучыларның һәм явызлык эшләүчеләрнең һәммәсен җыеп,

Инҗир агачыннан гыйбрәт алыгыз. Аның ботаклары бѳреләнеп, яфрак ярган чакта, сез тиздән җәйнең җитәчәген беләсез.

Шулай ук, сез дә боларның һәммәсен күргәндә, шуны белерсез: ул вакыт якын, инде ишек тѳбендә.

Сезгә хак сүз әйтәм: бу буын алышынырга ѳлгермәс, болар һәммәсе дә гамәлгә ашыр.

Күк һәм җир юкка чыгачак, әмма Минем сүзләрем һичкайчан юкка чыкмаячак.

Ул кѳннең һәм сәгатьнең кайчан булуы хакында һичкем белми: күктәге фәрештәләр дә, Угыл да. Бу турыда бары тик Ата гына белә.

Нух кѳннәрендә ничек булган булса, Адәм Улы килгән вакытта да шулай булачак.

Чѳнки ул кѳннәрдә кешеләр, туфан килгәнче, ашаганнар, эчкәннәр, ѳйләнгәннәр һәм кияүгә чыкканнар. Нух кѳймәгә кергән кѳнгә кадәр шулай булган.

Туфан килеп, барын да агызып киткәнгә кадәр, алар тѳшенмәгәннәр. Адәм Улы килгән вакытта да нәкъ шулай булачак.

Ул вакытта кырда ике кеше булыр: берсе алыныр, икенчесе калдырылыр.

Бер кул тегермәнендә тартучы ике хатынның берсе алыныр, икенчесе калдырылыр.

Шуңа күрә, уяу булыгыз! Раббыгыз кайсы кѳндә киләчәген сез белмисез бит.

Шуны аңлагыз: йорт хуҗасы каракның тѳнлә белән кайсы сәгатьтә киләсен белсә, ул йокламаган булыр иде һәм аңа үз йортына керергә ирек бирмәгән булыр иде.

Шуңа күрә, сез дә әзер булыгыз: Адәм Улы сез кѳтмәгән сәгатьтә киләчәк.

Шулай итеп, ышанычлы һәм акыллы хезмәтче нинди була соң? Ризыкны үз вакытында ѳләшү ѳчен, аны хуҗасы барлык хезмәтчеләре ѳстеннән куйган.

Хуҗасы кайткач, аның шулай эшләвен күрсә, менә шул хезмәтче сәгадәтле.

Сезгә хак сүз әйтәм: хуҗасы аны бѳтен милке ѳстеннән башлык итеп куяр.

Ләкин ул хезмәтче начар булса һәм: «Хуҗам тиз генә кайтмас әле», – дип уйлап,

башка хезмәтчеләрне кыйный башласа, ә үзе эчкечеләр белән ашап-эчә башласа,

хуҗасы ул кѳтмәгән кѳндә һәм уйламаган сәгатьтә кайтып керер дә

аны җәзага тартыр һәм монафикълар белән бер язмышка дучар итәр: анда елау һәм теш шыкырдату булыр.

← Предыдущая

От Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода