Книга От Луки Cтих 28 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Атнаның беренче кѳнендә хатын-кызлар, алдан әзерләнгән хуш исле майларны алып, иртән-иртүк кабер янына киттеләр

һәм, кабер янына килгәч, ташның кабер алдыннан читкә аударылганын күрделәр.

Ә эчкә кергәч, Раббы Гайсәнең гәүдәсен тапмадылар.

Алар бу хәлгә аптырашып торган вакытта, кинәт алар алдына ялтырап торган киемдә ике ир кеше пәйда булды.

Хатыннар куркып түбән карадылар, әлеге кешеләр аларга әйттеләр:– Нигә сез Терене үлеләр арасыннан эзлисез?

Ул монда юк: Ул терелтеп торгызылды. Гәлиләядә чагында Аның сезгә әйткән сүзләрен исегезгә тѳшерегез:

«Адәм Улы гѳнаһлылар кулына тотып бирелергә, хачка кадакланырга һәм ѳченче кѳндә терелеп торырга тиеш», – дигән иде Ул сезгә.

Шунда Гайсә әйткән сүзләр аларның исләренә тѳште.

Һәм кабер яныннан китеп, бу хәл хакында алар унбер шәкерткә һәм калганнарга да хәбәр иттеләр.

Рәсүлләргә бу хакта Магдалалы Мәрьям, Йохана, Ягъкубның анасы Мәрьям, һәм шулай ук алар белән булган башка хатыннар да сѳйләде.

Әмма хатын-кызларның бу сүзләре рәсүлләргә буш сүзләр булып тоелды һәм алар ышанмадылар.

Ләкин Петер, торып, кабер янына йѳгерде һәм иелеп кабер ишеге аша карагач, анда яткан кәфенлекне генә күрде һәм, бу хәлгә таң калып, ѳенә кайтты.

Шул ук кѳнне Гайсәнең ике шәкерте Иерусалимнан унбер чакрым чамасы ераклыктагы Эммаус дип аталган авылга барырга чыкты.

Алар булып узганнарның барысы хакында да сѳйләшеп бардылар.

Алар сѳйләшеп, фикер алышып барган чакта, Гайсә Үзе алар янына килеп, алар белән бергә бара башлады.

Әмма шәкертләрнең күзләре каплап торылган кебек булганга күрә, алар Аны танымадылар.

Ул исә алардан болай дип сорады:– Сез нәрсә хакында фикер йѳртеп барасыз?Алар кайгыдан туктап калдылар.

Шәкертләрнең берсе, Клеопас атлысы Аңа:– Иерусалимга килгәннәр арасында бу кѳннәрдә анда булган хәлләр турында Син генә белмисеңме әллә? – диде.

Ул алардан:– Нинди хәлләр турында? – дип сорады.Шәкертләр Аңа әйттеләр:– Насаралы Гайсә турында; Ул Аллаһы алдында да, бѳтен халык алдында да, эштә дә, сүздә дә кодрәтле Пәйгамбәр иде.

Безнең баш руханилар һәм башлыклар Аны үлемгә хѳкем итү ѳчен тотып бирделәр һәм хачка кадакладылар.

Ә без Исраилне азат итәргә тиеш Кеше – Ул булыр дип ѳметләнгән идек, әмма әле болар гына түгел. Ул вакыйгадан соң инде ике кѳн үтте.

Шуның ѳстенә арабыздагы кайбер хатыннар да безне таң калдырды; алар иртүк кабер янына барганнар,

әмма Аның гәүдәсен тапмаганнар. Шулай ук фәрештәләр пәйда булып, аларга: «Ул тере», – дип әйткәннәрен алар кайтып сѳйләделәр.

Аннары арабызда булган кайбер кешеләр кабер янына бардылар һәм бар нәрсәнең хатыннар сѳйләгәнчә булуын күрделәр; ләкин Гайсәнең Үзен күрмәделәр.

Шунда Гайсә аларга әйтте:– Әй сез, аңсызлар, пәйгамбәрләрнең әйткән барлык сүзләренә акрын инанучылар!

Мәсих Үзенең шѳһрәтенә ирешер алдыннан шулай газап чигәргә тиеш түгел идемени?

Ул Муса язмаларыннан башлап, барлык пәйгамбәрләрнең язмаларына кадәр бѳтен Изге язмадагы Үзе хакында әйтелгән урыннарны аңлатып бирде.

Алар үзләре барасы авылга якынлаштылар; ә Гайсә Үз юлын тагын да дәвам итәргә теләгән кебек итте.

Параллельные места

От Марка 6:48

Каршы искән җил белән кѳрәшүләрен, аларның ишүдән хәлдән тайганнарын күреп, иртәнге ѳч белән алты арасында Ул, су ѳстеннән атлап, алар янына китте. Ул аларны узып китәргә теләде,

Әмма алар:– Инде кич якынлашып килә, безнең белән кал, – дип Аны күндерделәр, һәм Ул алар белән ѳйгә кереп калды.

Ул, алар белән бергә ѳстәл артына ашарга утыргач, икмәк алып шѳкрана кылганнан соң, аны сындыргалап шәкертләргә бирде.

Шулчак аларның күзләре ачылып китте һәм шәкертләр Гайсәне танып алдылар; әмма Ул аларга күренмәс булды.

Алар бер-берсенә:– Ул безгә юлда сѳйләгәндә һәм Изге язманың мәгънәсен аңлатканда, безнең күңелләребез күтәрелеп китте түгелме соң? – диделәр.

Һәм шунда ук торып, Иерусалимга кире кайттылар, анда унбер шәкертне һәм алар белән бергә булган башкаларны җыелышып торган хәлдә күрделәр.

Аларның барысы да:– Раббы чыннан да үледән терелеп торды һәм Шимунга күренде, – дип сѳйләделәр.

Бу кешеләр дә юлда булган вакыйганы һәм икмәк сындырган чакта Гайсәне ничек танып алулары хакында сѳйләп бирделәр.

Алар бу хакта сѳйләгәндә Гайсә Үзе кинәт аларның уртасында пәйда булып:– Иминлек сезгә, – диде.

Алар куркудан катып калдылар, бу ѳрәк булса кирәк дип уйладылар.

Ләкин Ул аларга әйтте:– Нигә каушап калдыгыз? Нигә күңелегезгә шундый шик тѳшә?

Минем кулларыма һәм аякларыма карагыз, бу – Мин Үзем. Кулларыгызны Миңа тидерегез һәм карагыз; ѳрәкнең тәне һәм сѳяге булмый, ә күргәнегезчә, Миндә бар.

Моны әйткәннән соң, Ул аларга кулларын һәм аякларын күрсәтте.

Алар шатлыкларыннан һәм таң калудан һаман да ышанмый торганда, Ул алардан:– Сезнең монда ашарга берәр нәрсәгез бармы? – дип сорады.

Алар Аңа бер кисәк пешкән балык бирделәр.

Ул аны алып, алар алдында ашады.

Аннан соң Гайсә аларга әйтте:– Мин сезнең белән бергә чакта, нәкъ менә боларны сѳйләдем: Муса канунында, пәйгамбәрләрнең китапларында һәм Зәбурда Минем хакта язылганнарның барысы да тормышка ашырылырга тиеш.

Аннары Ул аларга Изге язманы аңларга ярдәм итте.

Һәм аларга:– Изге язмада болай дип язылган: Мәсих газап чигәргә, ѳченче кѳндә үледән терелеп торырга,

һәм гѳнаһлары кичерелсен ѳчен тәүбә итү, Иерусалимнан башлап, бар халыкларга Аның исеме нигезендә игълан ителергә тиеш, – диде. –

Сез моңа шаһитләр.

Мин Атам вәгъдә иткәнне сезгә җибәрермен; сез исә күкләрдән үзегезгә кодрәт бирелгәнгә кадәр Иерусалим шәһәрендә калыгыз.

Шуннан соң Гайсә, шәкертләрен шәһәрдән алып чыгып, Бәйтәниягә чаклы алар белән барды һәм, кулларын күтәреп, анда аларга фатихасын бирде.

Ул аларга фатиха биргәндә, алардан аерыла барып, күккә алынды.

Шәкертләр сәҗдә кылып, Аңа табындылар һәм зур шатлык белән Иерусалимга кайттылар.

Алар Аллаһыны данлап, һәрвакыт Аллаһы Йортында булдылар.

← Предыдущая

От Луки

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода