Книга К Римлянам Cтих 7 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Римлянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Шулай итеп, сездән сорыйм: әллә Аллаһы Үз халкын кире кактымы? Һич тә алай түгел! Мин үзем Ибраһим нәселеннән, Биньямин кабиләсеннән булган исраиллемен.

Аллаһы Үз халкын кире какмады, чѳнки Ул аны алдан ук сайлап алды. Әллә сез Изге язмада Ильяс хакында нәрсә әйтелгәнне белмисезме? Исраил халкы турында Аллаһыга зарланып, ул менә нәрсә дигән:

«Йа Раббым! Синең пәйгамбәрләреңне үтерделәр, корбан китерү урыннарыңны җимерделәр; бер мин генә калдым, минем җанымны да эзлиләр».

Аңа Аллаһының җавабы нинди булды соң? «Ялган илаһ Багал каршында тезләнеп, аңа табынмаган җиде мең кешене Мин Үзем ѳчен саклап калдым».

Хәзерге вакытта да Аллаһы Үзенең мәрхәмәте буенча сайлап алган кешеләр бар, әмма алар күп түгел.

Әмма Аллаһының сайлавы Үзенең мәрхәмәте буенча икән, димәк, кешеләрнең хәерле эшләренә карап түгел; югыйсә мәрхәмәт чын мәрхәмәт булмас иде.

Алайса нәрсә соң? Исраил эзләгәненә ирешмәде, ә сайланганнар аны алдылар, башкалар исә туң күңеллегә әйләнделәр.

Параллельные места

К Римлянам 9:18

К Римлянам 9:31

Шулай итеп, Аллаһы Үзе теләгән кешегә шәфкать күрсәтә һәм Үзе теләгән кешене үҗәт итә. Ә инде Аллаһының аклавын бирүче канунны эзләгән Исраил халкы ул канунга ирешә алмады.

Изге язмада язылганча: «Бүгенге кѳнгә кадәр Аллаһы аларны сизмәүчән итте, аларга күрми торган күзләр һәм ишетми торган колаклар бирде».

Давыт та әйтә: «Үзләренең аш табыны алар ѳчен тозак һәм ятьмә, абындыручы нәрсә һәм җәза булсын.

Аларның күзләре күрмәс ѳчен томалансын, аркалары гомер буе бѳкрәйгән хәлдә калсын».

Шулай булгач, сорыйм: әллә исраиллеләр, абынганда, бѳтенләй егылдылармы? Һич юк! Аларның абынулары аркасында башка халыкларга котылу килде һәм бу исраиллеләрдә кѳнчелек уятты.

Әгәр аларның абынулары дѳньяга, уңышсызлыклары башка халыкларга мул фатихалар бирсә, исраиллеләрнең Аллаһыны тулысынча итагать итүе шулкадәр күбрәк фатиха китерер!

Сезгә – яһүд булмаганнарга әйтәм: яһүд булмаганнарның рәсүле буларак, үз хезмәтемне ихтирам итәм.

Үз халкымнан булганнарда, шул рәвешчә кѳнчелек уятып, аларның кайберләрен коткара алуыма ѳметләнәм.

Әгәр аларның кире кагылуы дѳньяны Аллаһы белән дуслаштыра икән, Аның тарафыннан кабул ителүләре нәрсә булыр соң? Бу – үлеләр ѳчен тереклек булыр!

Әгәр Аллаһыга бүләк ителгән беренче икмәк изге икән, шул камырдан пешерелгән башка икмәкләр дә изге; әгәр тамыр изге икән, ботаклар да изге була.

Әгәр зәйтүн агачының кайбер ботаклары сындырылып, калган зәйтүн ботаклары арасына син – кыргый зәйтүн агачының ботагы – ялганып, зәйтүн агачының юан тамырыннан шулай ук туенасың икән,

сындырылган ботаклар алдында тәкәбберләнмә. Тәкәбберләнсәң, хәтереңә тѳшер: син тамырны түгел, бәлки сине тамыр тотып тора.

Син исә болай әйтерсең: «Алар урынына мине ялгау ѳчен ботакларны сындырдылар».

Дѳрес. Алар иман итмәгәнгә сындырылдылар, ә син иман итүең белән урыныңда торасың; борыныңны күтәрмә, киресенчә, сак бул!

Чѳнки, Аллаһы табигый ботакларны кызганмаган икән, сине дә кызганмас.

Шуның ѳчен, күр: Аллаһы игелекле дә, кырыс та. Ул юлдан язганнарга карата кырыс, ә инде Аның игелегенә ѳмет багласаң, сиңа игелек була, югыйсә син дә кисеп ташланырсың.

Әмма юлдан язганнар да, имансыз булып калмасалар, кире ялганырлар, чѳнки Аллаһы аларны яңадан ялгый ала.

Әгәр син, кыргый зәйтүн агачыннан киселеп, табигатькә каршы, бакчада үскән зәйтүн агачына ялгангансың икән, сындырылган табигый ботаклар яңадан үз агачына бигрәк тә тиз ялганачаклар!

Имандашларым, сез үзегезне акыллыга санамасын ѳчен, бу сернең сездән яшерен булып калуын теләмим: башка халыкларның кирәк кадәр тулы саны Аллаһы Патшалыгына кергәнгә кадәр Исраил ѳлешчә тискәрелегендә дәвам итәчәк.

Һәм бѳтен Исраил шул рәвешчә котылачак, Изге язмада язылганча: «Сионнан Коткаручы киләчәк һәм имансызлыкны Ягъкуб токымыннан алып ташлаячак.

Мин аларның гѳнаһларын алып ташлаганда, алар белән килешүем менә шул булыр».

Яхшы хәбәргә килгәндә, исраиллеләр Аллаһыга сезнең хакка дошманнар; ә Аллаһының сайлавына килгәндә, алар ата-бабалары хакына Аллаһының сѳеклеләре булып калалар.

Чѳнки Аллаһының бүләкләре һәм чакыруы кире алынмас.

Кайчандыр сез Аллаһыга итагатьсез булдыгыз, ә хәзер аларның итагатьсезлеге нәтиҗәсендә шәфкать алдыгыз.

Шулай ук, сезгә күрсәтелгән шәфкать ѳчен, хәзер исраиллеләр Аллаһыга итагатьсез булдылар. Бу хәзер аларга да шәфкать күрсәтелсен ѳчен эшләнде.

Аллаһы, барысына да шәфкать күрсәтү ѳчен, бар кешеләрне итагатьсезлек тоткыны итте.

Әй, Аллаһының байлыгы ничек зур! Аның зирәклеге һәм белеме ничек тирән! Аның хѳкемнәре акыл ирешмәслек, Аның юллары эзләп тапмаслык!

Раббының уй-фикерләренә кем тѳшенде? Яки Аңа кем киңәш бирә ала?

Яки, Аллаһы кире кайтарырдай, кем Аңа нәрсә дә булса биргән?

Һәммәсе Аннан, Аның аша һәм Аның ѳчен бит. Аңа мәңгегә дан! Амин.

← Предыдущая

К Римлянам

Следующая →

1 2 3 4 5 6 7 8 9 10 11 12 13 14 15 16

Выбор основного перевода