Книга Деяния Cтих 13 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Без, алар белән саубуллашып, юлга чыктык һәм туп-туры Кос утравындагы шәһәргә килдек, икенче кѳнне Родоста, аннары Патара утравында булдык.

Анда, Фойникә ѳлкәсенә китүче кораб табып, аңа утырдык һәм кузгалып киттек.

Кипр утравын кѳньягыннан урап үтеп, Сурия ѳлкәсенә таба йѳздек. Турда тукталыш ясадык, чѳнки анда корабтан йѳк бушатылырга тиеш иде.

Шәкертләрне эзләп таптык һәм алар янында җиде кѳн булдык. Алар, Рухның күрсәтүеннән чыгып, Паулны Иерусалимга бармаска кисәттеләр.

Китер вакыт җиткәч юлга чыктык. Барлык иман итүчеләр, хатыннары һәм балалары белән, безне шәһәр читенә кадәр озата бардылар, ә яр буена килеп җиткәч, бѳтенебез бергә тезләнеп дога кылдык.

Саубуллашканнан соң, без корабка утырдык, ә алар ѳйләренә кайтып киттеләр.

Без исә, юлыбызны дәвам итеп, Пытулемаис шәһәренә килеп тѳштек. Анда туганнар янына барып, алар белән бер кѳн булдык.

Ә икенче кѳнне Паул һәм без Кайсариягә килдек һәм Иерусалимда сайланган җиде ярдәмченең берсе булган, Яхшы хәбәрне таратучы Филипнең ѳендә тукталдык.

Аның Аллаһы әйткән сүзләрне игълан итә торган пәйгамбәр кызлары – кияүгә чыкмаган дүрт кызы бар иде.

Без килеп берничә кѳн үткәч, Яһүдиядән Һагәб атлы бер пәйгамбәр килде.

Ул, безнең янга килеп, Паулның билбавын алды һәм үзенең кул-аякларын бәйләде. – Изге Рух әйтә: Иерусалимдагы яһүдләр бу билбауның иясен менә шулай бәйләячәкләр һәм мәҗүсиләр кулына тапшырачаклар, – диде Һагәб.

Моны ишеткәч, без һәм анда булган башка кешеләр аның Иерусалимга бармавын үтендек.

Әмма Паул: – Сез нәрсә эшлисез? Ник елыйсыз һәм минем йѳрәгемне телгәлисез? Мин Раббы Гайсә исеме хакына Иерусалимда тоткын булырга гына түгел, үләргә дә әзермен, – дип җавап бирде.

Параллельные места

Деяния 20:24

Ләкин минем ѳчен үз тормышымның кадере юк, тик хезмәтемне һәм Гайсә Раббыдан кабул итеп алган эшне – Аллаһының мәрхәмәте турындагы Яхшы хәбәрне вәгазь итү вазифасын тѳгәлләргә телим.

Без исә, аны күндерә алмагач, тынычландык һәм: – Раббының ихтыяры булсын! – дидек.

Кайсариядә бераз вакыт булганнан соң, җыенып, Иерусалимга киттек.

Безнең белән бергә Кайсариядән берничә шәкерт тә барды. Алар безне кипрлы Мынасун атлы, күптән иман итүче бер шәкерт янына, без тукталачак йортка алып килделәр.

Иерусалимдагы туганнар безне шатланып кабул иттеләр.

Икенче кѳнне Паул Ягъкуб янына килде. Без дә аңа ияреп бардык. Анда барлык ѳлкәннәр җыелган иде.

Аларны сәламләгәннән соң, үз хезмәте аркылы Аллаһының башка халыклар арасында нәрсәләр эшләгәнлеге турында Паул җентекләп сѳйләп бирде.

Паулны тыңлагач, андагылар Аллаһыны данладылар. – Беләсеңме, туган, – диделәр аңа, – яһүдләр арасында инде ничә мең иман китергән кеше бар. Алар барысы да Муса канунын бик тырышып яклаучылар.

Синең хакта аларга, ул башка халыклар арасында яшәүче барлык яһүдләрне улларын сѳннәткә утыртмаска һәм яһүд халкының йолаларын тотмаска ѳндәп, Муса кануныннан баш тартырга ѳйрәтә икән, дип әйткәннәр.

Нәрсә эшләргә инде? Әлбәттә, халык синең килүең турында ишетер.

Шуңа күрә безнең сиңа киңәш шундый: бездә нәзер кылган дүрт кеше бар.

Алар белән бергә тазарыну йоласын үтә. Чәчләрен алдыра алсыннар ѳчен аларның чыгымнарын үз ѳстеңә ал. Барысы да синең хакта ишеткәннәренең дѳрес түгеллеген һәм үзеңнең дә канунга буйсынып яшәвеңне күрерләр.

Ә инде Гайсә Мәсихкә иман китергән башка халык кешеләренә килгәндә, без аларга үзебезнең карарны әйтеп хат яздык. «Потларга корбан итеп китерелгән ризыкны, канны, буып үтерелгән хайван итен ашаудан һәм җенси азгынлыктан тыелыгыз», – дидек без аларга.

Шулай итеп, икенче кѳнне теге кешеләрне үзе белән алып, Паул алар белән тазарыну йоласын үтте. Шуннан соң Аллаһы Йортына керде. Анда ул тазарыну кѳннәренең кайчан тәмам булачагы һәм кайчан аларның һәрберсе ѳчен корбан китереләчәге хакында игълан итте.

Җиде тазарыну кѳне үтте дигәндә, Асия ѳлкәсеннән килгән берничә яһүд, Паулны Аллаһы Йортында күреп, аңа каршы бѳтен халыкны котырттылар һәм аны тотып алдылар:

– Исраил ирләре, ярдәм итегез! Бѳтен җирдә безнең халыкка, канунга һәм бу урынга каршы ѳйрәтә торган кеше шушы. Шуның ѳстенә, яһүд булмаганнарны Аллаһы Йортына алып кереп, бу изге урынны мәсхәрә итте, – дип кычкырдылар.

Алар аны элегрәк шәһәрдә эфесле Трофим белән бергә күргәнгә күрә: «Паул аны Аллаһы Йортына да алып кергән», – дип уйлыйлар иде.

Бѳтен шәһәрдә ыгы-зыгы купты, тѳрле яктан халык җыйналды. Паулны Аллаһы Йортыннан сѳйрәп алып чыктылар һәм шундук капкаларны бикләп куйдылар.

Алар аны үтерергә тырышкан вакытта, гаскәриләр башлыгына бѳтен Иерусалимда башланган буталыш турында хәбәр иттеләр.

Ул шундук, гаскәриләр һәм йѳзбашлары белән бергә, халык җыелган урынга йѳгерде. Кешеләр, башлык кешене һәм гаскәриләрне күреп, Паулны кыйнаудан туктадылар.

Гаскәриләр башлыгы якынрак килде һәм Паулны кулга алырга, аны ике чылбыр белән богауларга әмер бирде. – Бу кеше кем һәм ул нәрсә эшләде? – дип сорады ул.

Халык арасында берәүләр бер нәрсә, икенчеләре башка нәрсә кычкыра башлады. Гаскәриләр башлыгы, шундый шау-шу булганга күрә эшнең нәрсәдә икәнен белә алмады һәм шунлыктан Паулны ныгытмага алып барырга кушты.

Алар баскычка килеп җиткәндә, халык кысрыклаганлыктан, гаскәриләргә Паулны күтәреп барырга туры килде.

Халык тѳркеме: – Аңа үлем! – дип кычкыра-кычкыра ияреп барды.

Ныгытма ишекләренә якынлашкач, Паул гаскәриләр башлыгына: – Сиңа бер нәрсә әйтергә мѳмкинме? – диде. – Син грекча беләсеңмени? – дип гаҗәпләнде теге. –

Димәк элегрәк фетнә күтәреп дүрт мең юлбасарны чүлгә алып чыккан мисырлы син түгел?

– Мин – яһүд, Киликия ѳлкәсендәге шактый гына танылган Тарс шәһәреннән. Синнән үтенәм, халыкка сѳйләргә рѳхсәт итче, – диде аңа Паул.

Гаскәриләр башлыгы рѳхсәт бирде. Паул, баскычта басып торган килеш, халыкка ишарә ясады. Тирән тынлык урнашты һәм Паул яһүд телендә сѳйли башлады.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода