Книга 2. Петра Cтих 12 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

2. Петра Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

2. Петра

Следующая →

1 2 3

1

Әмма ләкин Исраил халкы арасында ялган пәйгамбәрләр дә булганнар. Шулай ук, сезнең арагызда да ялган ѳйрәтүчеләр булыр. Алар яшерен рәвештә һәлакәткә китерүче ялган тәгълиматны арагызда тарата башларлар, хәтта үзләрен йолып алган Хѳкемдарны да инкяр итеп, үз ѳсләренә кѳтелмәгән һәлакәт китерерләр.

2

Күпләр аларның азгын яшәешенә иярер, һәм аларның эшләре аркасында хакыйкать юлы хурланыр.

3

Бу ялган ѳйрәтүчеләр, комсызланып, үзләре уйлап чыгарган риваятьләре ярдәмендә сездән файдаланырлар. Алар ѳстеннән инде күптәннән хѳкем тора, аларның һәлакәте котылгысыз.

4

Аллаһы гѳнаһ кылган фәрештәләрне дә аямаган бит, бәлки, чылбырлар белән бәйләп, җәһәннәм караңгылыгына ташлаган: алар анда хѳкем кѳнен кѳтәләр.

5

Аллаһы, тәкъва тормышны вәгазьләүче Нух белән җиде кешедән кала, борынгы җиһанны да аямаган: дәһриләр ѳстенә туфан китерткән.

6

Ул, дәһриләр белән киләчәктә ни буласын кисәтүче сабак итеп, Сәдүм һәм Гамура шәһәрләрен ут белән кѳлгә әйләндереп хѳкем иткән.

7

Анда яшәгән азгыннарның әхлаксыз гамәлләреннән интеккән әхлаклы Лутны коткарган.

8

Бу әхлакый кеше азгыннар арасында яшәгәндә, аларның әхлаксыз эшләрен күреп һәм ишетеп, чын күңеленнән кѳннән-кѳн газап чиккән.

9

Шулай итеп, Раббы Үзенә бирелгәннәрне сынаулардан ничек коткарырга, ә явызларны, җәза астында тотып, хѳкем кѳненә ничек сакларга икәнен белә.

10

Бу бигрәк тә үзләренең бәдәни азгын теләкләренә ияреп, Раббы хакимлеген нәфрәт итүчеләргә кагыла. Алар – тәкәббер һәм тупас кешеләр. Алар күкләрдәге шѳһрәтле затларга яла ягудан да курыкмыйлар.

11

Хәер, бу шѳһрәтле затлардан күпкә кѳчлерәк һәм куәтлерәк фәрештәләр дә Раббы алдында аларны хурлап гаепләмиләр.

12

Бу ялган ѳйрәтүчеләр үзләре аңламаган нәрсәне яла ягып гаеплиләр. Алар табигый теләкләренә буйсынып яшәгән һәм фәкать аулау һәм үтерелү ѳчен генә туган аңсыз хайваннар сыман. Хайваннар ничек үтерелсә, шулай бу ялган ѳйрәтүчеләр дә һәлак ителәчәкләр.

Параллельные места

Иуды 1:10

Алар исә үзләре аңламаган һәммә нәрсәне яманлыйлар, аңсыз хайваннар сыман, табигый теләкләренә бирелеп яшиләр һәм нәкъ шул аларны һәлак итә дә.

13

Алар үзләре китергән явызлыкларына явызлык әҗере алачаклар. Алар ѳчен хозурлык – кѳн яктылыгында мәҗлесләрдә комсызланып ашап-эчү. Сезнең мәҗлесләрегездә булганда, алар – пычрак һәм хурлыклы таплар, чѳнки алар үзләрен алдаучы ләззәтләргә биреләләр.

14

Кем белән зина кылырга икән дип кенә хатын-кызларга күңел бирәләр һәм гѳнаһтан һич туймыйлар; тотрыксыз кешеләрне юлдан яздыралар; аларның күңелләре комсызлыкта шомарган; алар – ләгънәт уллары.

15

Алар, туры юлдан тайпылып, адаштылар. Алар үзенең явыз гамәлләре ѳчен табыш алуны яраткан Бегор улы пәйгамбәр Бильям эзләреннән бара башладылар.

16

Ә Бильям явыз эше ѳчен шелтәләнгән. Ишәк аңа кеше тавышы белән эндәшеп, пәйгамбәрне ахмаклыгыннан туктаткан.

17

Бу кешеләр – сусыз чишмәләр, кѳчле җил куып тараткан томан сыман. Алар ѳчен тирән караңгылыкта урын саклана.

18

Чѳнки алар, күпертелгән буш сүзләр сѳйләп, азгын бәдәни теләкләрен кулланып, ялгыш юлдан баручылар арасыннан әле генә арына башлаганнарны ятьмәгә эләктерергә тырышалар.

19

Алар теге кешеләргә азатлык вәгъдә итәләр, ә үзләре – бозыклык коллары; чѳнки кеше нәрсәгә җиңелсә, шуның колы була.

20

Әгәр бу кешеләр Раббыбыз һәм Коткаручыбыз Гайсә Мәсихне танып белү аша бу дѳньяның азгынлыгыннан арынганнан соң янә буталалар һәм аңа җиңеләләр икән, димәк аларның соңгы халәте элеккегедән яманрак була.

21

Чѳнки хаклык юлын танып белгәннән соң үзләренә бирелгән изге әмердән кире чигенүгә караганда, ул юлны бѳтенләй белмәүләре алар ѳчен яхшырак булган булыр иде.

22

Андый кешеләр белән ни булганы хакында мәкальләрдә дѳрес әйтелгән: «Эт үзенең косыгына әйләнеп кайта», һәм «Юындырылган дуңгыз пычрак сазда аунарга бара».

← Предыдущая

2. Петра

Следующая →

1 2 3

Выбор основного перевода