Имандашларым, Раббыбыз Гайсә Мәсих һәм Рух мәхәббәте белән сезгә ялварам: минем белән бергә тырышлык күрсәтеп, минем ѳчен Аллаһыга дога кылыгыз.
Боларның һәммәсе дә сезнең ѳчен. Шулай итеп, Аллаһының мәрхәмәте тагын да күбрәк кешеләргә таралыр һәм шуның белән Аллаһы данына тагын да күбрәк шѳкер итү китерер.
Һәртѳрле дога вә үтенеч белән Изге Рухның кѳче аркылы һәрвакыт дога кылыгыз. Бу максат ѳчен, уяу булып, бар изгеләр ѳчен армый-талмый догада булыгыз.
Яхшы хәбәр серен кыюлык белән белдерүемне теләп, сѳйли башлаганда миңа кирәкле сүзләр бирелсен ѳчен, минем ѳчен дә дога кылыгыз.
чѳнки беләм: бу, сезнең догаларыгыз һәм Гайсә Мәсих Рухының ярдәме белән, миңа иреккә чыгарга булышыр.
Имандашлар, безнең ѳчен дә дога кылыгыз.