Фыртыл ӕууӕндӕг схайджын мыггагмӕйы цардӕй, Фыртмӕ чи нӕ хъусы, уый та цард нӕ фендзӕн – Хуыцауы фыдӕх ӕй баййӕфта».
Ацы диссӕгты тыххӕй та уымӕ гӕсгӕ ныффыстӕуыд, цӕмӕй баууӕндат, Йесо Чырысти кӕй у, Хуыцауы Фырт, ууыл. Ӕмӕ Йыл куы ӕууӕндат, уӕд Йӕ фӕрцы хайджын уыдзыстут мыггагмӕйы цардӕй.
Уыцы ныхас ууыл у, ӕмӕ нын Хуыцау ралӕвар кодта мыггагмӕйы цард ӕмӕ уыцы цард Йӕ Фырты руаджы лӕвӕрд цӕуы.
Хуыцауы Фыртӕй хай кӕмӕн ис, уымӕн ис мыггагмӕйы цард. Хуыцауы Фыртӕй хай кӕмӕн нӕй, уымӕн та нӕй мыггагмӕйы цард.
Ацы ныхӕстӕ ныффыстон сымахмӕ, Хуыцауы Фыртыл ӕууӕндджытӕм, мыггагмӕйы цард уын кӕй ис, уый куыд зонат, афтӕ.