Фӕлӕ Ӕз зонын: мысыраг паддзах уын нӕ ратдзӕн ацӕуыны бар, стыр хъару йӕ куы нӕ ӕртасын кӕна, уӕд.
Ӕз радардзынӕн Мӕ къух, ӕмӕ ӕрцӕвдзынӕн Мысыр, кӕй дзы саразон, Мӕ уыцы диссӕгты фӕрцы; фараон уӕ уый фӕстӕ ауадздзӕн.
Уӕдӕ израилаг адӕмӕн зӕгъ: „Ӕз Дунедарӕг дӕн! Мӕ стыр хъаруйӕ ӕгъатырӕй бафхӕрдзынӕн мысырӕгты, ӕмӕ уӕ фервӕзын кӕндзынӕн – уӕ бӕрзӕйӕ уын сисдзынӕн мысырӕгты ӕфсондз.
Хуыцау загъта Моисейӕн: «Бацу фараонмӕ; Ӕз ыл бафтыдтон хивӕнд йӕхиуыл дӕр ӕмӕ йӕ фӕсдзӕуинтыл дӕр, цӕмӕй сыл равдисон Мӕ диссӕгтӕ.
Хуыцау загъта Моисейӕн: «Фараон уӕм уымӕн нӕ байхъуыста, цӕмӕй Мысыры зӕххыл Ӕз равдисон ноджы фылдӕр диссӕгтӕ».
Тӕккӕ уыцы бон Дунедарӕг израилаг адӕмы ракодта мысыраг зӕххӕй – ӕфсады иу къорд иннӕйы фӕдыл цӕуӕгау».
Моисей адӕмӕн загъта: «Уӕ зӕрдыл дарут ацы бон – Мысырӕй, цагъарады хӕдзарӕй, уӕ рацыды бон. Хуыцау уӕ Йе стыр хъаруйӕ ракодта уырдыгӕй, ӕмӕ ӕнхъызт хойраг хӕргӕ нӕу.
Уыцы цау мысынӕн уый нысанау хъуамӕ ӕвӕрд уа уӕ къухтыл ӕмӕ уӕ тӕрныхтыл, Дунедарӕджы ацы ӕгъдауы тыххӕй дзургӕ у иудадзыг; уымӕн ӕмӕ Дунедарӕг сымах Йӕ стыр хъаруйӕ ракодта Мысырӕй.