Хуыцау загъта Моисейӕн: «Мысырмӕ куы ӕрыздӕхай, уӕд ма ферох кӕн, Ӕз дын кӕй бафӕдзӕхстон, ӕппӕт уыцы диссӕгтӕ фараоны раз равдисын. Ӕз та йын ратдзынӕн хивӕнд зӕрдӕ, ӕмӕ нӕ рауадздзӕн Мӕ адӕмы.
Фараон уӕм нӕ байхъусдзӕн; ӕмӕ Ӕз бафхӕрдзынӕн Мысыр; ӕмӕ Мӕ израилаг адӕмы, Израилы байзӕддӕгты, ракӕндзынӕн Мысыр карзӕй бафхӕрыны фӕстӕ.
Мысыраг дӕснытӕ дӕр сӕ кӕлӕнтӕй бакодтой афтӕ. Ӕмӕ та фараон ацы хатт дӕр разынди хивӕнд – Дунедарӕг Моисейӕн ӕмӕ Ааронӕн развӕлгъау куыд загъта, афтӕ сӕм нӕ байхъуыста.
Дӕснытӕ фараонӕн загътой: «Уый Хуыцауы ӕрмдзӕф у». Фӕлӕ та фараон разынди дурзӕрдӕ ӕмӕ сӕм нӕ байхъуыста, Моисейӕн ӕмӕ Ааронӕн Хуыцау развӕлгъау куыд загъта, афтӕ.
Фараон арвыста базонынмӕ, ӕмӕ куыд сбӕлвырд, афтӕмӕй израилӕгты фосӕй иу дӕр нӕ фӕхъуыди. Фӕлӕ та фараон ацы хатт дӕр йӕ фӕнд нӕ аивта, ӕмӕ израилаг адӕмы нӕ ауагъта.
Фараон ацы хатт дӕр та баззади дурзӕрдӕйӕ, ӕмӕ израилаг адӕмы нӕ ауагъта, Моисейы дзыхӕй Хуыцау развӕлгъау куыд загъта, афтӕ.