Иаковимӕ Мысырмӕ йӕ бинонтимӕ чи ӕрцыди, мӕнӕ Израилы уыцы фыртты нӕмттӕ:
Рувим, Симеон, Левий, Иуда,
Иссахар, Завулон, Вениамин,
Дан, Неффалим, Гад ӕмӕ Асир.
Иаковы байзӕддӕгтӕ, йӕ тугйе стӕг, ӕдӕппӕт уыдысты дӕс ӕмӕ ӕртиссӕдз адӕймаджы; Иосиф та Мысырмӕ раздӕр ӕрбафтыди.
Мӕнӕ Израилы хӕдзарвӕндӕгты хистӕртӕ: Израилы хистӕр фырт Рувимы фырттӕ: Ханох, Фаллу, Хецрон ӕмӕ Харми; уыдон, алчидӕр йӕхи байзӕддагимӕ, сты Рувимы мыггаг.
Симеоны фырттӕ: Иемуил, Иамин, Огад, Иахин, Цохар ӕмӕ Саул – ханаанаг сылгоймаджы лӕппу; уыдон, алчидӕр йӕхи байзӕддагимӕ, сты Симеоны мыггаг.
Мӕнӕ Левийы фыртты нӕмттӕ хистӕрӕйкӕстӕрмӕ: Гирсон, Кааф, Мерари. Левий ӕдӕппӕт фӕцард сӕдӕ ӕртын авд азы.