Книга Бытие Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Израил йеппӕт мулкимӕ араст йӕ фӕндагыл, ӕмӕ ӕрцыди Вирсавимӕ; уым нывонд ӕрхаста йӕ фыд Исаакы Хуыцауӕн.

Израилмӕ ӕхсӕвы цӕстылуайӕны фӕзынди Хуыцау ӕмӕ йын загъта: «Иаков, Иаков!» Иаков дзуапп радта: «Мӕнӕ дӕн».

Хуыцау загъта: «Ӕз Хуыцау дӕн, дӕ фыды Хуыцау. Мысырмӕ ацӕуынӕй ма тӕрс. Уым Ӕз дӕуӕй рауадздзынӕн разагъды адӕм.

Ӕз Мысырмӕ ацӕудзынӕн демӕ; Ӕз дӕ ракӕндзынӕн фӕстӕмӕ дӕр. Иосиф йӕхи къухӕй ӕрӕхгӕндзӕни дӕ цӕстытӕ».

Иаков ацыди Вирсавийӕ; Израилы фырттӕ сӕ фыды, сӕ сывӕллӕтты, сӕ устыты сӕвӕрдтой, Иаковы аласынӕн фараон цы бӕхуӕрдӕттӕ рарвыста, уыдоныл.

Ханааны цы фос ӕмӕ мулк ӕрбамбырд кодтой, уыимӕ Иаков ӕмӕ йӕ байзӕддӕгтӕ ӕрцыдысты Мысырмӕ.

Иаков Мысырмӕ йемӕ ӕркодта йӕ фыртты сӕ фырттимӕ, йӕ чызджыты ӕмӕ йӕ фыртты чызджыты – йеппӕт байзӕддӕгты.

Иаковы фырттӕй Мысырмӕ чи ӕрцыд, мӕнӕ уыдоны нӕмттӕ. Иаков ӕмӕ йӕ байзӕддӕгтӕ: Иаковы хистӕр фырт Рувим;

Рувимы фырттӕ: Ханох ӕмӕ Фаллу, Хецрон ӕмӕ Харми;

Симеоны фырттӕ: Иемуил, Иамин, Огад, Иахин, Цохар ӕмӕ Саул, ханаанаг сылгоймагӕй райгуырӕг;

Левийы фырттӕ: Гирсон, Кааф ӕмӕ Мерари;

Иудайы фырттӕ: Эр, Онан, Шела, Фарес ӕмӕ Зара (Эр ӕмӕ Онан амардысты Ханааны). Фаресы фырттӕ: Есром ӕмӕ Хамул.

Иссахары фырттӕ: Фола, Фува, Йов ӕмӕ Шимрон.

Завулоны фырттӕ: Серед, Елон ӕмӕ Иахлеил.

Уыдон сты, Лиа Иаковӕн ПадданАрамы кӕй ныййардта, йӕ уыцы фырттӕ ӕмӕ йӕ чызг Динӕ; уыцы фырттӕ ӕмӕ чызджытӕ ӕдӕппӕт уыдысты ӕртындӕс ӕмӕ ссӕдз адӕймаджы.

Гады фырттӕ: Цифион, Хагги, Шуни, Эцбон, Эри, Ароди ӕмӕ Арели.

Асиры фырттӕ: Имна, Ишва, Ишви, Бриа ӕмӕ сӕ хо Серах. Бриайы фырттӕ: Хевер ӕмӕ Малхиил.

Уыдоны Иаковӕн ныййардта, Лаван йӕ чызг Лиайӕн кӕй радта, уыцы Зелфӕ – ӕдӕппӕт ӕхсӕрдӕс адӕймаджы.

Параллельные места

Бытие 29:24

Бытие 30:10

Бытие 30:11

Бытие 30:12

Бытие 30:13

Лаван йӕ лӕггадгӕнӕг сылгоймаг Зелфӕйы йӕ чызг Лиайӕн радта лӕггадгӕнӕгӕй. Зелфӕ, Лиайы лӕггадгӕнӕг сылгоймаг, Иаковӕн ныййардта фырт. Уӕд Лиа загъта: «Ӕрцыди мӕ амонд!» Ӕмӕ лӕппуйыл сӕвӕрдта ном – Гад. Зелфӕ, Лиайы лӕггадгӕнӕг сылгоймаг, Иаковӕн ныййардта дыккаг фырт. Уӕд Лиа загъта: «Цы амондджын дӕн! Сылгоймӕгтӕ мӕ ныр амондджын ус хондзысты». Ӕмӕ лӕппуйыл сӕвӕрдта ном – Асир.

Иаковы ус Рахилы лӕппутӕ: Иосиф ӕмӕ Вениамин.

Иосифӕн Мысыры бӕстӕйы райгуырдысты Манасси ӕмӕ Ефрем. Ныййардта йын сӕ Асенафӕ – Оны дины лӕг ПотиФеры чызг.

Вениамины фырттӕ: Бела, Бехер, Ашбел, Гера, Нааман, Эхи, Рош, Муппим, Хуппим ӕмӕ Ард.

Уыцы фырттӕ Иаковӕн райгуырдысты Рахилӕй – ӕдӕппӕт цыппӕрдӕс адӕймаджы.

Даны фырт: Хушим.

Неффалимы фырттӕ: Иахцеил, Гуни, Иецер ӕмӕ Шиллем.

Уыдоны Иаковӕн ныййардта, Лаван йӕ чызг Рахилӕн кӕй радта, уыцы Валлӕ – ӕдӕппӕт авд адӕймаджы.

Иаковимӕ йӕ байзӕддӕгтӕй Мысырмӕ чи ӕрцыд (ӕнӕ йӕ фыртты устытӕй), уыдон ӕдӕппӕт уыдысты ӕхсӕз ӕмӕ ӕртиссӕдз;

Стӕй Иаковӕн Мысыры чи райгуырди, уыцы дыууӕ фырты. Афтӕмӕй Мысырмӕ чи ӕрцыд, Иаковы уыцы бинонтӕ уыдысты дӕс ӕмӕ ӕртиссӕдз адӕймаджы.

Иаков йӕ разӕй Иудайы арвыста Иосифмӕ, цӕмӕй сын Гесеммӕ бацамона фӕндаг. Гесемы зӕхмӕ куы ӕрцыдысты,

Уӕд Иосиф сифтонг кодта йӕ хӕстон бӕхуӕрдон ӕмӕ ацыди Гесеммӕ, йӕ фыд Израилы размӕ. Куы фембӕлдысты, уӕд ыл ныттыхст ӕмӕ дзӕвгар фӕкуыдта.

Израил Иосифӕн загъта: «Ныр мын мӕлын ӕнцон у, уымӕн ӕмӕ удӕгас кӕй дӕ, уый федтон мӕхи цӕстӕй».

Йе 'фсымӕртӕн ӕмӕ йӕ фыды хӕдзаронтӕн Иосиф загъта: «Ӕз ацӕуон фараонмӕ ӕмӕ йын зӕгъон: „Ӕрцыдысты мӕм, Ханааны бӕстӕйы чи уыди, мӕ уыцы ӕфсымӕртӕ ӕмӕ мӕ фыды хӕдзаронтӕ.

Уыцы адӕм сты фыййӕуттӕ, фосдарджытӕ; сӕ фысвос, се стуртӕ ӕмӕ ма сӕм цыдӕриддӕр уыд, уый семӕ ис“.

Фараон уӕм куы басида ӕмӕ уӕ куы бафӕрса: „Цы дӕсныйад уӕм ис?“,

Уӕд ын дзуапп раттут: „Мах, дӕ цагъартӕ, не 'взонджы бонтӕй нырмӕ, нӕ фыдӕлтау, фосдарджытӕ стӕм“. Ӕмӕ уӕ ӕрцӕрын кӕндзысты Гесемы зӕххыл. Уымӕн ӕмӕ фыййау мысырӕгты цӕсты ӕлгъаг у».

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода