Ды та де 'фсымӕртӕн ноджыдӕр бафӕдзӕхс: „Мысырӕй акӕнут бӕхуӕрдӕттӕ уӕ сывӕллӕттӕн ӕмӕ уӕ устытӕн; ракӕнут уӕ фыды ӕмӕ ӕрцӕут.
Израилы фырттӕ бакодтой, куыд сын загъдӕуыд, афтӕ. Иосиф сын, фараоны бардзырдмӕ гӕсгӕ, радта бӕхуӕрдӕттӕ, фӕндагмӕ сын семӕ нывӕрдта хойраг.
Фӕлӕ сын Иосиф цыдӕриддӕр загъта, ӕппӕт уыдӕттӕ йын куы радзырдтой, йӕ аласынӕн Иосиф цы бӕхуӕрдӕттӕ рарвыста, уыдон куы федта, уӕд Иаковы уӕнгты тых бацыди.