Быдыры бастам куыристӕ; ӕваст мӕ куырис рабадт ӕмӕ уырдыг слӕууыд, уӕ куыристӕ та ӕрлӕууыдысты йӕ алыварс ӕмӕ йын ныллӕг акуывтой».
Иосиф ма ноджыдӕр федта иу фын, ӕмӕ йӕ радзырдта йе 'фсымӕртӕн: «Байхъусут мӕм. Ноджыдӕр ма иу фын федтон: ацы хатт мын ныллӕг акуывтой хур, мӕй ӕмӕ иуӕндӕс стъалыйы».
Иосиф йӕ фын радзырдта йе 'фсымӕртӕн дӕр ӕмӕ йӕ фыдӕн дӕр. Йӕ фыд ын бауайдзӕф кодта: «Уый цавӕр фын федтай? Ӕз, дӕ мад ӕмӕ де 'фсымӕртӕ ӕцӕг ӕрцӕудзыстӕм ӕмӕ зӕххы онг дӕуӕн акувдзыстӕм, мыййаг?»