Книга Бытие Cтих 23 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Ханааны ноджы фӕкарздӕр стонг рӕстӕг.

Мысырӕй цы хор ӕрластой, уый сын куы фӕци, уӕд Иаков йӕ фырттӕн загъта: «Ногӕй ацӕут ӕмӕ нын иуцасдӕр балхӕнут хойраг».

Иуда йын дзуапп радта: «Уыцы лӕг нын фидарӕй загъта: „Уӕхи мӕм ма равдисут, уе 'фсымӕр уемӕ куы нӕ уа, уӕд“.

Не 'фсымӕры нын немӕ куы арвитис, уӕд ацӕуиккам ӕмӕ дын балхӕниккам хойраг.

Куы нӕ йӕ арвитай, уӕд нӕ ацӕудзыстӕм, уымӕн ӕмӕ нын уыцы лӕг загъта: „Уӕхи мӕм ма равдисут, уе 'фсымӕр уемӕ куы нӕ уа, уӕд“».

Израил загъта: «Ахӕм бӕллӕхы мӕ цӕй тыххӕй баппӕрстат – ӕфсымӕр ма уын кӕй ис, уыцы лӕгӕн уый цӕмӕн загътат?»

Уыдон ын дзуапп радтой: «Уыцы лӕг нӕ бӕстон фарста нӕхи тыххӕй дӕр ӕмӕ нӕ бинонты тыххӕй дӕр: „Уӕ фыд ма удӕгас у? Ӕфсымӕр ма уын ис?“ Мах ын дзуапп лӕвӕрдтам йӕ фарстытӕн. Уый ӕнхъӕл кӕцӕй уыдыстӕм, ӕмӕ нын афтӕ зӕгъдзӕн: „Ӕркӕнут уе 'фсымӕры“?»

Иуда йӕ фыдӕн, Израилӕн, загъта: «Рауадз лӕппуйы мемӕ; мах ӕвӕстиатӕй ацӕудзыстӕм, цӕмӕй аирвӕзӕм ӕмӕ ма амӕлӕм мах дӕр, ды дӕр ӕмӕ нӕ сывӕллӕттӕ дӕр.

Лӕппуйы ме 'вджид бакӕн, мӕнӕй йӕ ӕрцагурдзынӕ. Ӕз дӕм ӕй куы нӕ ӕрбакӕнон, ӕмӕ йӕ ам дӕ цӕстӕй куы нал фенай, уӕд цалынмӕ цӕрон, уӕдмӕ дӕ разы уыдзынӕн азымджын.

Куы нӕ ныффӕстиат уыдаиккам, уӕд афонмӕ дыууӕ хатты ацыдаиккам уырдӕм ӕмӕ ӕрыздӕхтаиккам».

Уӕд сын сӕ фыд Израил загъта: «Кӕд ӕндӕр амал нӕй, уӕд бакӕнут афтӕ: уыцы лӕгӕн лӕварӕн уӕ голджыты нывӕрут ацы зӕххы бӕркадӕй – балзам, мыд, хӕрздӕф бӕласы зети ӕмӕ миррӕ, фисташкӕтӕ ӕмӕ миндалы ӕнгузтӕ.

Уемӕ ӕвзист айсут дыууӕ хатты фылдӕр, цӕмӕй фӕстӕмӕ раттат, айразмӕ уын уӕ голджыты комы цы ӕвзист раздӕхтой, уый дӕр; чи зоны, рӕдигӕ фӕкодтой.

Марадз, уе 'фсымӕры дӕр ахонут уемӕ, ӕмӕ ногӕй ацӕут уыцы лӕгмӕ.

Ӕппӕтхъомыс Хуыцау ӕрфӕлмӕн кӕнӕд уыцы лӕджы, уӕ иннӕ ӕфсымӕры ӕмӕ Вениамины дӕр куыд рауадза, афтӕ. Мӕнӕн та кӕд нывгонд у мӕ хъӕбултӕй ӕнӕхай фӕуын, уӕд сӕ фӕуыдзынӕн ӕнӕхай».

Ӕфсымӕртӕ айстой семӕ уыцы лӕвӕрттӕ, ӕвзист дыууӕ хатты фылдӕр, акодтой Вениамины, ацыдысты Мысырмӕ ӕмӕ ӕрлӕууыдысты Иосифы раз.

Иосиф сын Вениамины семӕ куы федта, уӕд йӕ хӕдзары уынаффӕгӕнӕгӕн загъта: «Ацы адӕмы бахон хӕдзармӕ, аргӕвд фосӕй ӕмӕ фынг ӕрӕвӕр; сихор мемӕ хӕрдзысты».

Уынаффӕгӕнӕг бакодта, Иосиф ын куыд загъта, афтӕ – уыцы адӕмы бахуыдта Иосифы хӕдзармӕ.

Иосифы хӕдзармӕ сӕ кӕй бахуындӕуыд, уый ӕфсымӕрты бауагъта тас ӕмӕ кӕрӕдзийӕн дзырдтой: «Айразмӕ нын нӕ голджыты цы ӕвзист раздӕхтой, уый тыххӕй нӕ ӕрбахуындӕуыд мидӕмӕ. Сӕ фӕнд у, цӕмӕй нӕ базылын кӕной истӕмӕй, сӕхи ныл ныццӕвой ӕмӕ нӕ ӕрцахсой, скӕной нӕ цагъартӕ ӕмӕ нын нӕ хӕрджытӕ байсой».

Уӕд бацыдысты Иосифы хӕдзары уынаффӕгӕнӕгмӕ ӕмӕ дуары цур дзырдтой йемӕ.

Загътой йын: «Байхъусма нӕм, не 'лдар. Мах амӕйразмӕ дӕр ӕрцыдыстӕм хор ӕлхӕнынмӕ.

Фӕлӕ не 'хсӕвиуаты бынатмӕ куы бахӕццӕ стӕм ӕмӕ нӕ голджытӕ куы райхӕлдтам, уӕд нӕ алчидӕр йӕ голладжы комы ссардта йе 'взист ӕнӕхъӕнӕй. Ныр уыцы ӕвзист ӕрхастам фӕстӕмӕ.

Хойраг ӕлхӕнынӕн мах немӕ ноджыдӕр ӕрхастам ӕвзист. Не 'взист нын нӕ голджыты чи нывӕрдта, уый нӕ зонӕм».

Уынаффӕгӕнӕг сын загъта: «Ӕрсабыр ут ӕмӕ ма тӕрсут; уӕ Хуыцау, уӕ фыды Хуыцау, нывӕрдта ӕвзист уӕ голджыты; уӕд уе 'взист ӕз райстон». Уый фӕстӕ сӕм уынаффӕгӕнӕг ӕрбакодта Симеоны.

Параллельные места

Бытие 42:24

Иосиф азылд иннӕрдӕм ӕмӕ скуыдта, стӕй та сӕм раздӕхта йе 'ргом ӕмӕ ныхас кодта семӕ. Уый фӕстӕ рахицӕн кодта Симеоны ӕмӕ сын ӕй сӕ цӕстыты раз сбаста.

Хӕдзарӕн уынаффӕгӕнӕг ӕфсымӕрты ӕрбакодта Иосифы хӕдзармӕ, радта сын дон ӕмӕ цӕхсадтой сӕ къӕхтӕ; сӕ хӕрджытӕн дӕр сын нывӕрдта холлаг.

Ӕфсымӕртӕ сӕ лӕвӕрттӕ ӕрцӕттӕ кодтой сихормӕ, Иосифы ӕрцыдмӕ. Уымӕн ӕмӕ фехъуыстой, сихор уым кӕй хӕрдзысты, уый тыххӕй.

Иосиф хӕдзармӕ куы ӕрцыд, уӕд ын бахастой сӕ лӕвӕрттӕ, ӕмӕ йын зӕххы онг акуывтой.

Иосиф сӕ бафарста се 'нӕниздзинадӕй ӕмӕ загъта: «Кӕй тыххӕй дзырдтат, уӕ уыцы зӕронд фыд ма ӕнӕниз ӕмӕ удӕгас у?»

Уыдон дзуапп радтой: «Нӕ фыд, дӕ цагъар, нырма ӕнӕниз ӕмӕ удӕгас у». Ӕфсымӕртӕ йӕ разы ӕрлӕууыдысты сӕ зонгуытыл ӕмӕ йын ныллӕг акуывтой.

Иосиф акаст ӕмӕ федта йӕ мадызӕнӕг ӕфсымӕр Вениамины, ӕмӕ бафарста: «Кӕй тыххӕй мын дзырдтат, уый уӕ уыцы кӕстӕр ӕфсымӕр у?» Иосиф ма йӕ ныхасмӕ бафтыдта: «Хуыцауы хорзӕх дӕ уӕд, мӕ хъӕбул!»

Иосиф йе 'фсымӕры афтӕ бирӕ уарзта, ӕмӕ йӕ скӕуынмӕ бирӕ нал хъуыдис. Уӕд бацыд уатмӕ ӕмӕ уым фӕкуыдта.

Уый фӕстӕ цӕхсадта йӕ цӕсгом, рацыд уатӕй. Йӕхи фӕхъӕддых кодта ӕмӕ загъта: «Ӕрӕвӕрут фынгтӕ».

Иосифӕн ӕрӕвӕрдтой хицӕнӕй, ӕфсымӕртӕн дӕр – хицӕнӕй, стӕй ма Иосифимӕ чи хордта, уыцы мысырӕгтӕн дӕр – хицӕнӕй. Уымӕн ӕмӕ мысырӕгтӕ дзуттӕгтимӕ иу фынгыл нӕ бадтысты – ӕлгъаг сӕм касти.

Ӕфсымӕртӕ Иосифы раз бадтысты сӕ кармӕ гӕсгӕ – куыдхистӕрӕй, дисгӕнгӕ кастысты кӕрӕдзимӕ.

Хӕринӕгтӕ сын хастой Иосифы фынгӕй, Вениамины хай иннӕты хӕйттӕй уыди фондз хатты стырдӕр. Ӕфсымӕртӕ нуӕзтой ӕмӕ минас кодтой Иосифимӕ.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода