Книга Бытие Cтих 5 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Мысыры хор кӕй ис, Иаков уый куы базыдта, уӕд йӕ фырттӕн загъта: «Кӕрӕдзимӕ цы кӕсут?»

Йӕ ныхасмӕ ма бафтыдта: «Ӕз фехъуыстон, Мысыры, дам, ис хор. Фӕцӕут уырдӕм ӕмӕ нын уым хор балхӕнут, цӕмӕй аирвӕзӕм ӕмӕ ма амӕлӕм».

Ӕмӕ Иосифы дӕс ӕфсымӕры ацыдысты Мысырмӕ хор ӕлхӕнынмӕ.

Иосифы ӕфсымӕр Вениамины та сын Иаков семӕ нӕ арвыста, уымӕн ӕмӕ ахъуыды кодта: «Исты фыдбылыз ыл куы ӕрцӕуа».

Ханааны адӕм ӕххормаг кӕй уыдысты, уымӕ гӕсгӕ уырдыгӕй цы адӕм ацыд, уыдонимӕ Израилы фырттӕ дӕр ӕрцыдысты хор ӕлхӕнынмӕ.

Параллельные места

Бытие 41:57

Деяния 7:11

Ӕппӕт бӕстӕтӕй цыдысты Мысырмӕ, Иосифӕй хор балхӕнынмӕ – ӕппӕт дунейы скодта ӕбуалгъы стонг рӕстӕг. Уый фӕстӕ ӕппӕт Мысыры ӕмӕ Ханааны зӕххыл скодта стонг рӕстӕг, адӕм хъизӕмары бафтыдысты, нӕ фыдӕлтӕн хойраг нал уыди.

Иосиф та Мысыры хицау уыди, ӕмӕ хор уӕй кодта бӕстӕйы ӕппӕт адӕмӕн. Ӕрцыдысты Иосифы ӕфсымӕртӕ ӕмӕ йын зӕххы онг ӕркуывтой.

Иосиф йе 'фсымӕрты куыддӕр федта, афтӕ сӕ базыдта, фӕлӕ сӕ цыма нӕ зоны, уыйау равдыста йӕхи. Тызмӕгӕй сӕ бафарста: «Кӕцӕй ӕрцыдыстут?» Уыдон дзуапп радтой: «Ханааны зӕххӕй ӕрцыдыстӕм, хойраг ӕлхӕнынмӕ».

Иосиф базыдта йе 'фсымӕрты, уыдон та йӕ нӕ базыдтой.

Иосифы зӕрдыл ӕрлӕууыдысты, йӕ фыны сӕ куыд уыдта, уыдӕттӕ, ӕмӕ сын загъта: «Сымах сгарджытӕ стут, ӕмӕ ӕрцыдыстут, нӕ бӕстӕ лӕмӕгъ кӕм у, уый базонынмӕ».

Уыдон ын загътой: «Нӕ, не 'лдар; дӕ цагъартӕ хойраг ӕлхӕнынмӕ ӕрцыдысты.

Мах не 'ппӕт дӕр иу лӕджы фырттӕ стӕм, ӕнӕхин адӕймӕгтӕ; дӕ цагъартӕ сгарджытӕ никуы уыдысты».

Иосиф сын загъта: «Нӕ, сымах ӕрцыдыстут, нӕ бӕстӕ лӕмӕгъ кӕм у, уый фенынмӕ».

Уыдон дзуапп радтой: «Мах, дӕ цагъартӕ, дыууадӕс ӕфсымӕры уыдыстӕм. Ханааны зӕххӕй стӕм, иу лӕджы фырттӕ. Не 'фсымӕртӕй иу нал и, кӕстӕр та ныртӕккӕ нӕ фыдимӕ ис».

Иосиф сын загъта: «Ӕз дӕр уын уый куы загътон: „Сымах сгарджытӕ стут“.

Фӕлӕ уӕ ӕз мӕнӕ афтӕ бафӕлвардзынӕн: ард хӕрын фараоны цардӕй, сымах ардыгӕй нӕ аздӕхдзыстут, цалынмӕ уӕ кӕстӕр ӕфсымӕр ардӕм ӕрцӕуа, уӕдмӕ.

Уӕ иуы арвитут уе 'фсымӕры ӕркӕнынмӕ, иннӕтӕ та ахст уыдзысты. Ӕмӕ афтӕмӕй базондзынӕн, раст загътат ӕви нӕ. Кӕд нӕ, уӕд ард хӕрын фараоны цардӕй: сымах сгарджытӕ стут».

Ӕмӕ сӕ Иосиф ӕрцахста ӕртӕ боны ӕмгъуыдмӕ.

Ӕртыккаг бон сын загъта: «Ӕз Хуыцауӕй тӕрсын. Удӕгасӕй баззайдзыстут, мӕнӕ афтӕ куы бакӕнат, уӕд.

Кӕд сымах раст адӕм стут, уӕд уӕ иу баззайӕд ахстӕй; иннӕтӕ та ацӕуӕнт ӕмӕ ахӕссӕнт хор уе 'ххормаг бинонтӕн.

Уӕ кӕстӕр ӕфсымӕры та ӕркӕнут мӕнмӕ. Уӕд уӕ ныхӕстӕ разындзысты раст ӕмӕ баззайдзыстут удӕгасӕй». Ӕмӕ уыдон бакастысты йӕ коммӕ.

Ӕфсымӕртӕ кӕрӕдзийӕн дзырдтой: «Не 'фсымӕры тӕригъӕды кӕй бацыдыстӕм, уый тыххӕй ӕййафӕм ӕфхӕрд. Куы нын лӕгъстӕ кодта, уӕд ын мах йӕ хъизӕмар федтам, фӕлӕ йӕм нӕ байхъуыстам. Ӕмӕ уымӕ гӕсгӕ ӕвзарӕм ацы хъизӕмар».

Рувим сын дзуапп радта: «Куы уын дзырдтон: „Ма бацӕут лӕппуйы тӕригъӕды!“ Фӕлӕ мӕм нӕ байхъуыстат. Ӕмӕ ныр ӕрцыд йӕ туг бафидыны рӕстӕг».

Иосиф сӕ кӕй ӕмбары, уый ӕфсымӕртӕ нӕ зыдтой, уымӕн ӕмӕ семӕ тӕлмацгӕнӕджы фӕрцы ныхас кодта.

Иосиф азылд иннӕрдӕм ӕмӕ скуыдта, стӕй та сӕм раздӕхта йе 'ргом ӕмӕ ныхас кодта семӕ. Уый фӕстӕ рахицӕн кодта Симеоны ӕмӕ сын ӕй сӕ цӕстыты раз сбаста.

Иосиф бафӕдзӕхста сӕ голджытӕ сын хорӕй байдзаг кӕнын, алкӕмӕн дӕр сӕ йе 'взист фӕстӕмӕ йӕ голладжы нывӕрын, ӕмӕ сын фӕндагмӕ семӕ къӕбӕр раттын. Ӕмӕ сын бакодтой афтӕ.

Ӕфсымӕртӕ сӕ хор сӕвӕрдтой сӕ хӕрджытыл, ӕмӕ ацыдысты уырдыгӕй.

Фӕндагыл ӕхсӕвиуатмӕ куы ӕрлӕууыдысты, уӕд сӕ иу, хӕрӕгӕн холлаг раттыны тыххӕй, райхӕлдта йӕ голладжы ком, ӕмӕ дзы разынд йе 'взист.

Ӕмӕ йе 'фсымӕртӕн загъта: «Ме 'взист мӕм раздӕхти. Мӕнӕ мӕ голладжы ис». Уыдон фӕуыргъуыйау сты, тӕрсгӕризгӕйӕ дзырдтой кӕрӕдзийӕн: «Уый нын Хуыцау цы бакуыста?»

Ханаанмӕ, сӕ фыд Иаковмӕ, куы ӕрцыдысты, уӕд ын радзырдтой сеппӕт хабӕрттӕ. Загътой йын: «

Уыцы бӕстӕйы хицау немӕ тызмӕгӕй дзырдта, сгарджытыл нӕ банымадта.

Мах ын загътам: „Мах сгарджытӕ нӕ, фӕлӕ ӕнӕхин адӕм стӕм.

Дыууадӕс ӕфсымӕры уыдыстӕм, иу фыды фырттӕ. Не 'фсымӕртӕй иу нал и, кӕстӕр та ныртӕккӕ нӕ фыдимӕ Ханааны ис“.

Уӕд нын уыцы бӕстӕйы хицау загъта: „Раст адӕм стут ӕви нӕ, уый ӕз афтӕмӕй базондзынӕн: уе 'фсымӕртӕй иуы ныууадзут ам. Сымах та ахӕссут хор уе 'ххормаг бинонтӕн ӕмӕ ацӕут.

Ӕмӕ мӕм ӕркӕнут уӕ кӕстӕр ӕфсымӕры. Ӕз афтӕмӕй базондзынӕн, сымах сгарджытӕ нӕ, фӕлӕ раст адӕм кӕй стут. Уӕд уын ратдзынӕн уе 'фсымӕры, уыдзӕн уын ацы зӕххыл сӕрибарӕй цӕуыны бар“».

Ӕфсымӕртӕ сӕ голджытӕй хор куы ӕркалдтой, уӕд сӕ алкӕмӕн дӕр йе 'взисты тыхтон разынд йӕ голладжы. Се 'взист куы федтой, уӕд сӕхи дӕр ӕмӕ сӕ фыды дӕр тас бацыди.

Сӕ фыд Иаков сын загъта: «Сымах мӕ ӕнӕхай фӕкодтат мӕ хъӕбултӕй. Иосиф нал и; Симеон дӕр нал и; ныр та Вениамины дӕр акӕнынмӕ хъавут. Ӕппӕт бӕллӕхтӕ мӕ сӕр ӕййафы!»

Рувим йӕ фыдӕн загъта: «Вениамины дӕм куы нӕ ӕркӕнон, уӕд мын мӕ дыууӕ фырты дӕр амар. Ме 'вджид ӕй бакӕн; ӕз дӕм ӕй ӕркӕндзынӕн».

Фӕлӕ Иаков дзуапп радта: «Мӕ фырт уемӕ нӕ ацӕудзӕн; йе 'фсымӕры мӕлӕты фӕстӕ иунӕгӕй баззади. Исты йыл куы ӕрцӕуа фӕндагыл, уӕд мӕ зӕрондӕй утӕхсӕнгӕнгӕ ингӕнмӕ барвитдзыстут».

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода