Ӕмӕ Дунедарӕг Хуыцау сыджытӕй сфӕлдыста адӕймаг, йӕ улӕфӕнты йын бауагъта царддӕттӕг комытӕф, ӕмӕ адӕймаг сси удгоймаг.
Хуыцауы Уд цард дӕтты, адӕймаг та ӕдых у. Ӕз уын цы ныхӕстӕ дзурын, уыдоны царддӕттӕг Уды хъару ис.
Фӕлӕ мӕлӕт Адамы заманӕй Моисейы заманмӕ дӕр ӕлдариуӕг кодта, Адам кӕй ракодта, уыцы тӕригъӕды чи нӕ бафтыд, уыдоныл дӕр. Адам та у, фидӕны Чи хъуамӕ ӕрцыдаид, Уымӕн Йӕ развӕлгонц.
Кӕд иу адӕймаджы аххосӕй иу тӕригъӕды тыххӕй мӕлӕт паддзах сси, уӕд иу Адӕймаджы, Йесо Чырыстийы, руаджы та цӕрдзысты ӕмӕ паддзахиуӕг кӕндзысты, Хуыцау йӕ хорзӕх рӕдауӕй кӕмӕн дӕтты ӕмӕ лӕвар кӕй раст кӕны, уыдон.
Хуыцау махӕн радта Йӕ ног фидыды кусджыты арӕхстдзинад. Уыцы ног фидыдмӕ гӕсгӕ Хуыцау ныр фыст ӕгъдау нал дӕтты, фӕлӕ хай кӕны Йӕ Удӕй. Уымӕн ӕмӕ фыст ӕгъдау маргӕ кӕны, Уд та цард дӕтты.
Хицау уд у, ӕмӕ Хицауы Уд кӕм ис, сӕрибар дӕр уым ис.