Хицау Йесо Чырысти суӕд уӕ хотых, ӕмӕ уӕ тӕригъӕдджын ӕрдзыхъӕд ма рӕвдаут, цӕмӕй йын йӕ мондӕгтӕ ма ӕфсадат.
Мах дӕр кӕддӕр цардыстӕм уыдонау, ӕфсӕстам нӕ тӕригъӕдджын ӕрдзыхъӕды мондӕгтӕ, нӕ чъизи хъуыдытӕн ӕмӕ бӕллицтӕн уыдыстӕм коммӕгӕс. Иннӕтау нӕ ӕрдзыхъӕдмӕ гӕсгӕ уыдыстӕм, Хуыцауы фыдӕх кӕй хъуамӕ баййӕфтаид, ахӕмтӕ.
Ӕмӕ мах ахуыр кӕны ӕнӕхуыцау цард ӕмӕ зӕххон мондӕгтӕ ныууадзыныл, ӕмӕ ацы дунейы хӕдӕфсармӕй, рӕстӕй ӕмӕ Хуыцауӕн фӕндиагӕй цӕрыныл.