Нугьгъа беш юз йыл болагъанда, ондан Сим, Гьам ва Яфет деген уланлар тува.
Муна Нугьну уланлары Симни, Гьамны ва Яфетни гьакъындагъы ва оланы наслуларыны гьакъындагъы хабар. Сув алывдан сонг Симден, Гьамдан ва Яфетден яшлар тува.
Яфетни уланлары: Гьомер, Магьогь, Мадай, Яван, Тубал, Мешегь ва Тирас.
Гьомерни уланлары: Ашкеназ, Рипат ва Тогъарма.
Яванны уланлары: Элиша, Тариш, Киттим ва Доданим.
Яванны наслулары денгизни боюндагъы топуракъларда ерлешелер. Булар къавумларына, тиллерине, топуракъларына, халкъларына гёре Симни наслулары.
Гьамны уланлары: Куш, Мисрайим, Пут ва Гьанан.
Кушну уланлары: Сева, Гьабила, Савта, Рагьама, Савтегьа. Рагьаманы уланлары: Шева ва Дедан.
Кушну Намруд деген уланы болгъан. О ер юзюнде биринчи батыр
ва Раббибизни алдындагъы гючлю гьавчу болгъан. (Шо саялы «Раббибизни алдындагъы уллу гьавчу Намруд йимик» деген айтыв да бар).
Бир башлап ону пачалыгъына Бабил, Эрегь, Аккад ва Гьалне деген шагьарлар гире болгъан. Булар бары да Шинар элиндеги шагьарлар болгъан.
Шо элден Ассириягъа гетип, о шонда Ниневия, Регьоботир, Калагь
ва шолай да Ниневияны да, аслу шагьар гьисапланагъан Калагьны арасындагъы Ресен шагьарланы къура.
Мисрайимден лут, анам, легьав, наптугь
патрус, каслугь ва каптор тухумлар амалгъа геле. Капторлардан филистим тухумлар чыгъа.
Гьанандан Сайдан (бу ону биринчи уланы), Гьет,
ва шолай да гьевус, амор, гиргаш,
хив, арк, син,
арвад, цемар, гьамат тухумлар амалгъа геле. Гечге таба гьанан къавумлары чачылып ерлешелер.
Оланы топуракълары Сайдандан башлап Герар ва Газа шагьарлагъа ерли узатыла, мундан буса Содом, Гьомора, Адым ва Севоим шагьарлагъа багъып Лаша шагьаргъа ерли узатыла.
Булар къавумларына, тиллерине, топуракъларына, халкъларына гёре Гьамны наслулары.
Симники де яшлары бола. О бары да эвер халкъларыны ата-бабасы, Яфетни агъасы.
Симни уланлары: Элам, Ашшур, Арпагьшат, Лут ва Арам.
Арамны уланлары: Уц, Гьул, Гетер ва Маш.
Арпагьшатны Шелагь деген уланы, Шелагьны буса Эвер деген уланы бола.
Эверден эки улан тува. Оланы бирине Пелегь деп къоя, неге тюгюл ону заманында дюньяны халкълары гьариси гьар якъгъа чачыла. Экинчиси Йокътан бола.
Ону Алмадад, Шелеп, Гьацармавет, Ярагь,
Гьадарам, Узал, Дикла,
Авал, Авимаел, Шева,
Апир, Гьабила ва Явав деген уланлары бола. Булар бары да Йокътанны уланлары.
Олар Мешени ва гюнтувушдагъы тавланы арасындагъы топуракъда яшайлар. Меше буса Сепар уьлкеге тийип тура.
Булар къавумларына, тиллерине, топуракъларына, халкъларына гёре Симни наслулары.
Бу Нугьну уланларыны агьлюлерини оьзлени халкъларына гёре тайпа-тухумудур. Дюньядагъы бары да халкълар сув алывдан сонг олардан амалгъа геле.