Мени разилешивюм, сени булан ва сени наслуларынг булан даимликге бегетилип, наслудан-наслугъа берилип туражакъ. Мен сени ва сени наслуларынгны Аллагьы болажакъман.
Сёзсюз осу да, башгъасы да – уьйде тувгъаны да, сатып алынгъаны да – сюннет этилме герек. Шолай къаркъарагъызда Мени булан бегетилген даимлик разилешивню белгиси къалажакъ.
– Къатынынг Сара улан табажакъ, сен огъар Исгьакъ деп къояжакъсан. Мен ону ва ону наслулары булан даимлик разилешив бегетежекмен.