Якъуб уланларына булай дей: – Узакъ къалмай мен атамны янына, ахыратгъа гёчежекмен. Ата-бабаларымны янында, хетли Эпронну авлагъындагъы анакъда гёмерсиз мени.
Шо анакъ Гьанан топурагъында, Мамрени ювугъундагъы Магьпелни авлагъында ерлешген. Авлакъны гёмеген ер этмек учун Ибрагьим хетли Эпрондан сатып алгъан.
Ибрагьим Эпрон айтгъан багьагъа рази бола. Ибрагьим Эпронгъа шагьат болгъан хетлилени алдында оьзю токъташдыргъан чакъы гюмюшню оьлчеп бере: савдюгерчилени арасында юрюлеген оьлчев булан дёрт юз гюмюш акъча.