Книга Бытие Cтих 1 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Юсуп атасыны сюегине къапланып йылай, ону бетинден оьбюп тербей.

Параллельные места

Бытие 46:4

Мисриге сени булан Мен Оьзюм гележекмен, шондан сени наслунгну Мен Оьзюм чыгъаражакъман. Юсуп оьз къоллары булан сени гёзлерингни ябажакъ, – дей Аллагь.

Оьзюню эмчи къулларына о Исрайылны сюегин, дарманлап, чиримейген этмеге буйрукъ эте.

Эмчилер тийишли кюйде къыркъ гюнню ичинде, сюекни дарманлап, ону чиримейген эте. Мисрилилер оьлюге етмиш гюн яс этелер.

Яс битген сонг, Юсуп пачаны вазирлерине булай деп тилей: – Ярай буса, пачагъа айтыгъыз:

оьлгенде оьзюн мен Гьанан элде алданокъ гьазирлеген къабурда гёмежекге атам магъа ант этдирди. Магъа барып атамны гёмюп гелмеге ихтияр берсин деп тилеймен, сонг буса къайтып гележекмен.

Пача да огъар: – Барып, атангны гёмюп гел. Берген антынгны кют, – деп, изну бере.

Юсуп атасын гёмме барма чыгъа. Ону булан пачаны бары да вазирлери, баш къуллукъчулары, Мисрини бары да тамазалары,

Юсупну бары да уьюндегилер, бары да агъалары, иниси ва атасыны уьюндегилер ёлгъа тюше. Гошен топуракъда янгыз яшлар ва гьайван-мал къала.

Ону арты булан ат арбалар ва атлы асгерлер юрюй. Олар кёп болгъан.

Ёрданны ари ягъындагъы Атаданы иннырына етгенде, олар уллу ва гючлю яс этелер. Юсупну атасына олар етти гюн яс этелер.

Атаданы иннырында этилеген ясны шо ерде яшайгъан гьананлылар гёрюп: – Не гючлю йылай мисрилилер! – дейлер. Шо саялы Ёрданны ари ягъындагъы шо ерге Авел-Мисрайим деп айтыла.

Шолайлыкъда, уланлары атасыны буйругъун кютелер.

Ону сюегин Гьанангъа гелтирип, бир заман хетли Эпрондан гёмеген ер этмек учун Ибрагьим сатып алгъан Мамрени ювугъундагъы Магьпелни авлагъында гёмелер.

Гёмюп битген сонг, Юсуп, ону агъалары, иниси ва булар булан гелгенлени барысы да Мисриге къайталар.

Атасы оьлген сонг, Юсупну агъаларына ва инисине ой тюше ва олар: – Балики, Юсупну бизге гьали де ачуву бардыр? Балики, оьзюне этген затларыбыз саялы о бизден оьч алмагъа сюер? – дейлер.

Олар Юсупгъа булай айтып йиберелер: – Оьлгюнче атабыз сагъа: «Тилеймен, агъаларынгны, инингни гюнагьын, оланы айыбын, сагъа этген яманлыгъын гечип къой», – деп айтарсыз деп насигьат этген эди. Гечип къой чу бизден, сени атангны Аллагьыны къулларыбыз чы! Бу сёзлеге тынглай туруп, Юсуп йылай.

Олар Юсупгъа булай айтып йиберелер: – Оьлгюнче атабыз сагъа: «Тилеймен, агъаларынгны, инингни гюнагьын, оланы айыбын, сагъа этген яманлыгъын гечип къой», – деп айтарсыз деп насигьат этген эди. Гечип къой чу бизден, сени атангны Аллагьыны къулларыбыз чы! Бу сёзлеге тынглай туруп, Юсуп йылай.

Агъалары ва иниси, гелип ону алдында ерге къапланып ятып: – Муна, биз сени къулларынгбыз! – дейлер.

Юсуп булай дей: – Къоркъмагъыз! Мен Аллагьманмы дагъы?

Сиз магъа яманлыкъ этме сюйген эдигиз, Аллагьны къадарына гёре буса шо магъа яхшылыкъ болуп айланып къалды. Нечесе адам къутгъарылды шо саялы!

Къоркъмагъыз! Мен сизин, сизин яшларыгъызны гьайын этежекмен. Юсуп шолай оланы рагьатландырып, гёнгюн алып тура.

Шолай Юсуп савлай атасыны тухуму да булан Мисриде ерлеше. О юз он йыл яшай.

Юсуп Ефремни яшларыны яшларын да гёре. О Манассияны уланы Магьирни янгы тувгъан яшларын да къучагъына ала.

Юсуп агъаларына, инисине булай дей: «Узакъ къалмай мен оьлежекмен. Амма Аллагь гертилей де сизге кёмек этежек. Сизин Ибрагьимге, Исгьакъгъа, Якъубгъа бережекмен деп ант этген топурагъына алып гетежек».

Сонг Юсуп Исрайылны уланларын, Аллагь оьзлени шо топуракъгъа алып гетгенде, олар оьзюню сюегин Мисриден алып гетежекге ант этдире.

Юсуп юз он йыллыкъ чагъында гечине. Ону сюегин дарманлап, чиримейген этип, Мисриде бир къабургъа салалар.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода