Книга Бытие Cтих 28 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Якъуб ёлун узата. Огъар Аллагьны малайиклери ёлугъа.

Оланы гёрюп, Якъуб: – Бу Аллагьны асгер къонушудур, – дей. Шо ерге о Магьанаим деп ат тагъа.

Якъуб Сейир топурагъына, Эдом уьлкеге агъасы Исавну янына чавушларын йибере.

Огъар булай сёзлени етишдирмекни тапшура: – Мени бийиме, Исавгъа. Булай сени къулунг, Якъуб сёйлей: ят ерлерде, Лабанны ягъында мен гьали болгъунча яшап турдум.

Гьали мени оьгюзлерим, эшеклерим, къойларым, къул-къаравашым бар. Мен сагъа, мени бийиме, шу хабарны йибере туруп, сенден рагьму къаравуллайман.

Къайтып гелип, элчилер Якъубгъа: – Биз сени агъанг Исавну янына бардыкъ. Дёрт юз адам да алып, о сени къаршылама геле тура, – дей.

Якъубну уллу къоркъув ва гьалеклик къуршап ала. О адамларын, гьайван-малын, тюелерин эки къонушгъа бёле.

– Эгер Исав бир къонушгъа чапгъын этип, барын да къырып битдирип къойса, бириси къонушдагъылар сама къачып къутулма болур, – деп ойлаша Якъуб.

Якъуб Аллагьдан булай тилей: – Гьей атам Ибрагьимни Аллагьы, атам Исгьакъны Аллагьы, магъа уьюме, къардашларымны янына къайтма буйрукъ этген, магъа яхшылыкъ этежекге ваъда этген Раббим.

Сен гьаман да магъа, Сени къулунга, гёрсетип тургъан гьакъ герти рагьмунга мен лайыкълы да тюгюлмен. Мен Ёрданны ари ягъына чыгъып гетегенде, къолумда биргине-бир таягъым тюгюл ёкъ эди, гьали буса малым-мюлкюм эки къонушгъа бёлюнген.

Агъам Исавдан мени къутгъар дагъы! Мен къоркъуп тураман: о гелип йиберип, бизин барыбызны да, къошуп къатынланы-яшланы да оьлтюрюп къояжакъ!

Сен чи магъа яхшылыкъ этежегинге ваъда этген эдинг. Сен магъа наслуларым денгиздеги къайыр бюртюклени санавудай кёп болажакъ деп ваъда этген эдинг!

Якъуб гече онда къала. О да сиривлеринден агъасы Исавгъа савгъат гьисапда

эки юз эчки, йигирма эркеч, эки юз къой, йигирма ирк,

балалары да булангъы савулагъан отуз тюе, къыркъ сыйыр, он оьгюз, йигирма тиши ва он эркек эшек айыра.

Якъуб оланы гьар сиривню бир гьайдавчусу болагъан кюйде къулларына тапшура ва олагъа: – Алгъа багъып, сиривлени арасында мезгил къоюп юрюгюз, – дей.

Биринчи гьайдавчусуна Якъуб булай деп бувара: – Агъам Исавгъа ёлукъгъанда, о да сагъа: «Кимни къулусан? Къайда барасан? Кимни гьайванларын гьайдап барасан?» – деп сораса,

сен: «Булар къулунг Якъубну бийим Исавгъа савгъат этип йиберген гьайванлары. Оьзю Якъуб буса артда геле тура», – деп жавап берерсен.

Якъуб экинчи гьайдавчусуна да, уьчюнчюсюне де, оьзгелерине де, Исав булан ёлукъгъанда, шолай айтарсыз деп бувара ва:

– «Къулунг Якъуб артда геле тура», – деп къошма унутмагъыз, – дей. Алды булан савгъатлар да йиберип, Якъуб шолай Исавну рагьмусун къазанма сюе. – Сонг биз оьзюн къаршылагъанда, балики, о мени яхшы къабул этер, – деп ойлаша Якъуб.

Алды булан савгъатланы да йиберип, Якъуб къонушда гече къала.

Шо гечесинде Якъуб туруп, эки де къатынын, эки де къараваш къатынын, он бир де уланын да тургъузуп, Яббокъ деген оьзенни юрюп чыгъа.

Оланы барын да ва оьзюню бары да затын да оьзенни бириси ягъасына чыгъарып,

оьзю янгыз къала. Шонда гелип ону булан Бирев ябушма башлай ва ону булан танг къатгъанча ябушуп тура.

Якъубдан уьст гелип болмайгъанын гёрюп, О ону бутуну сом ерине бек уруп, янчып йибере ва Якъубгъа:

– Йибер мени, танг къатды, – дей. – Сен мени шабагьатлагъанча, йибермежекмен, – дей Якъуб.

– Атынг кимдир сени? – деп сорай О. – Якъуб, – деп жавап бере.

Шо заман О: – Энниден сонг сени атынг Якъуб тюгюл, Исрайыл болажакъ, неге тюгюл де сен Аллагь булан да, адамлар булан да ябушуп туруп, уьст гелип турдунг, – дей.

Параллельные места

Бытие 35:10

О: – Сени атынг Якъуб, тек энниден сонг сагъа Якъуб деп айтмажакълар. Гьалиден сонг сени атынг Исрайылдыр! – дей. Шолай О огъар Исрайыл деген атны бере.

– Магъа сени атынгны айт! – деп тилей Якъуб. Тек О: – Мени атымны неге сорайсан? – деп жавап бере ва Якъубну шабагьатлай.

Бу иш болгъан ерге Якъуб Пенуэл деп ат тагъа, шо буса «Мунда мен Аллагьны бетге-бет гёрдюм ва сав къалдым» демек бола.

Якъуб Пенуэлден чыгъып гетегенде, гюн чыгъа. О бутуну сом ери саялы акъсакълай.

(Шо саялы бугюнге ерли де Исрайылны наслулары бутну сом ерин ашамай, неге тюгюл де Якъуб булан Ябушгъан ону тап шо ерине, бутуна къарап, ургъан).

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода